დაფიქრდით, რომელი გეომეტრიული ფიგურა უფრო მოგწონთ და,  ამ ფიგურის მიხედვით დაადგინეთ, როგორი ხასიათი გაქვთ:
1. კვადრატი: თქვენთვის წამყვანი ლოგიკაა. შრომისმოყვარე, კეთილგონიერი და ყურადღებიანი ბრძანდებით. გიყვართ ადამიანები. ყველა საქმე ბოლომდე მიგყავთ. თქვენი ტიპის ადამიანებს აქვთ უნარი, გახდნენ კარგი სპეციალისტები. ერთადერთი გამონაკლისი პროფესია, რომელშიც წარმატებას ვერ მიაღწევთ, არის მენეჯერობა. სამაგიეროდ, კარგი ინჟინერი და ტექნიკოსი იქნებით.
2. სამკუთხედი: შეგიძლიათ, ყურადღების სრული კონცენტრაცია მოახდინოთ მთავარ მიზანზე. ხართ ძალიან ენერგიული და ძალიან ძლიერი. ხედავთ იმას, რაც გინდათ, რომ დაინახოთ. არ გიყვართ მიღებული გადაწყვეტილების შეცვლა. ხშირად ზედმეტად კატეგორიული ბრძანდებით. წარმატებული იქნებით პოლიტიკაში, მენეჯმენტსა და ადვოკატურაში.
3. მართკუთხედი: ეს არის ცვლილებების სიმბოლო, ამიტომ, თქვენ მუდამ რაღაც განსხვავებულს ეძიებთ. აქედან მოდის ისიც, რომ ხშირად არაპროგნოზირებადი და ძალიან უცნაური ხართ.
4. წრე: ძალიან გულწრფელი, ძალიან მგრძნობიარე და ემოციური ხართ. თქვენი წყენინება ძალიან ადვილია. გაქვთ უნარი, რომ ადამიანი „წაიკითხოთ“ და გაიგოთ, როგორია ის სინამდვილეში, რაც ცოტათი გიცავთ გარშემო მყოფებისგან. სუსტი მენეჯერი და ხელმძღვანელი იქნებით. თქვენი სფეროებია: პედაგოგობა, მედიცინა, ფსიქოლოგია.
5. ზიგზაგი გრძნობებისა და ემოციების სიმბოლოა. თუ ის აირჩიეთ, კრეატიული ადამიანი ხართ. გიყვართ დამოუკიდებლობა და ვერ იტანთ, როცა გზღუდავენ. დიდ წარმატებას ხელოვნების სფეროში მიაღწევთ.