მანერები კარგად ამჟღავნებს ადამიანის ხასიათს. ჩვენ შეიძლება ყურადღებას არ ვაქცევდეთ, მაგრამ, იმას, ვინც ჟესტების ენა იცის, საკმაოდ ბევრ რამეზე მიანიშნებს. წაიკითხეთ ტესტის პირობები – აუცილებლად დაგაინტერესებთ.
* თუ სიცილის დროს ნეკით ეხებით ტუჩებს:
საკუთარი შეხედულებები გაქვთ ცხოვრებაზე. მკაცრად იცავთ ქცევის იმ წესებსა და მანერებს, რომლებიც თავადვე შეიმუშავეთ. ძალიან გიყვართ ყურადღების ცენტრში ყოფნა.
* თუ სიცილის დროს ხელს ტუჩებზე იფარებთ:
ცოტა მორცხვი ხართ. არ გჯერათ საკუთარი შესაძლებლობების. აქტიურობას ერიდებით და ჩრდილში ყოფნა გირჩევნიათ. როცა გაქებენ, თავს უხერხულად გრძნობთ. ზედმეტად თვითკრიტიკული და მკაცრი ხართ.
* თუ სიცილის დროს თავს უკან სწევთ:
მიმნდობი ხართ. ხშირად დგამთ გაუთვალისწინებელ, არაპროგნოზირებად ნაბიჯებს. ხელმძღვანელობთ მხოლოდ ინტუიცით, რაც ძალიან საშიშია. გონება ჩართეთ ქმედებებში.
* თუ სიცილის დროს სახეს ხელით ეხებით:
მეოცნებე ხართ, თანაც მეტისმეტად. ზომიერად ოცნება ცუდი არ არის. დაფიქრდით – არ ღირს არარეალური ოცნებისთვის დროის ფლანგვა. პრობლემებს უფრო რეალურად მიუდექით და ფხიზლად იყავით.
* თუ სიცილის დროს ცხვირს იჭმუხნით:
თქვენ ძალიან ცვალებადი ბუნება გაქვთ. ემოციური და ჭირვეული ადამიანი ბრძანდებით. ადვილად ექცევით გავლენის ქვეშ. ეს თქვენც გიქმნით პრობლემებს და გარშემო მყოფებსაც.
* თუ ხმამაღლა და მოურიდებლად იცინით:
კეთილი და კეთილსინდისიერი ადამიანი ბრძანდებით. ადვილად ეგუებით სხვა ადამიანებს და არ გიჭირთ საზოგადოებაში ინტეგრირება. გრძნობებსა და ემოციებს აკონტროლებთ. იშვიათად თუ აწყენინებთ ვინმეს, ისიც – უნებლიეთ.
* თუ სიცილის დროს ნიკაპი ხელით გიჭირავთ:
გონიერი და თავდაჯერებული ბრძანდებით, გაწონასწორებული და საქმიანი. ზოგჯერ საჭიროზე მეტად მიზანმიმართული ხართ. შეეცადეთ, საკუთარ თავს სხვა თვალით შეხედოთ.
* თუ საერთოდ არ გაქვთ სიცილის დროს გამოკვეთილი მანერა:
ყველგან და ყველაფერში ორიგინალური ხართ და საკუთარი აზრითა და შეხედულებებით ხელმძღვანელობთ. სხვის აზრს ყურადღებას არ აქცევთ, ეს კი ბევრს არ მოსწონს.