კატალოგი
პოლიტიკა
ინტერვიუები
ამბები
საზოგადოება
მოდი, ვილაპარაკოთ
მოდა + დიზაინი
რელიგია
მედიცინა
სპორტი
კადრს მიღმა
კულინარია
ავტორჩევები
ბელადები
ბიზნესსიახლეები
გვარები
თემიდას სასწორი
იუმორი
კალეიდოსკოპი
ჰოროსკოპი და შეუცნობელი
კრიმინალი
რომანი და დეტექტივი
სახალისო ამბები
შოუბიზნესი
დაიჯესტი
ქალი და მამაკაცი
ისტორია
სხვადასხვა
ანონსი
არქივი
დეკემბერი 2019 (1)
ნოემბერი 2019 (207)
ოქტომბერი 2019 (245)
სექტემბერი 2019 (197)
აგვისტო 2019 (236)
ივლისი 2019 (209)

„კაი ტიპები“

ანუ წვეული ბევრია, რჩეული – ერთი

 ისე მოხდა, რომ ამ ქვეყანაში ყველაფერზე მაღლა დგას წმიდათაწმიდა „რუსთავი 2“, რომელიც (რასაკვირველია, ამ ხელოვნურად შექმნილ მოცემულობაში) არის თავისუფალი სიტყვის არათუ და მხოლოდ მებაირახტრე, თვით ერთადერთი სიმბოლო სიტყვის თავის-უფლებისა.
მეტიც, მადლის ხარისხშია აყვანილი მისი ეთერიდან ნათქვამი სიტყვა; თანაც – არ აქვს მნიშვნელობა, მართალია თუ ტყუილი; ინფორმაცია თუ დეზინფორმაცია; პროპაგანდა თუ ძალადობისკენ მოწოდება; სიყვარულის ახსნა თუ სიძულვილის ფრქვევა; ხოლო, ვინც დაეჭვდება, იგი დემოკრატიისა და გამოხატვის თავისუფლების მტერია, რადგან, რომ არა „რუსთავი 2,“ ამჟამინდელი შემადგენლობით თვით „მზე იტირებს და ჩაქრება“.
რთული სათქმელია, რატომ და, ისიც გამოსაჩხრეკია – ზემოდან ცქერისა და გამორჩეულობის ამ შეგრძნებით დაიბადნენ თუ ამ ცოდვილ დედამიწაზე მოვლენის შემდეგ აღმოაჩინეს, რომ წვეული ბევრი იყო და რჩეულნი მხოლოდ ისინი, თუმცა, მაგალითად, ყოფილმა ჩინოვნიკმა და აწ უფლებადამცველმა ბ-ნმა ოთარ კახიძემ სცადა ამ ჩემ (და არა მხოლოდ ჩემ) წინაშე მდგარი დილემის ამოხსნა (მომყავს ბ-ნი კახიძის ციტატა): „რუსთავი 2-ის“ მხარდამჭერები არიან: განათლებული, რეალიზებული, ნიჭიერი, პროდასავლური, მოკლედ – რაღაცნაირი კაი ტიპები; იქეთ კიდევ დგას სულ მყრალი ხალხი – დაბოღმილი, ბიძინას კარმუშკის შემყურე, ბნელი, რუსეთუმე – მოკლედ, დედამ———ები.“
შესაბამისად, ბ-ნი კახიძე ასკვნის: „უახლესი ისტორიის მნიშვნელოვანი ფურცლები იწერება, აქ ასარჩევიც არაფერია, წილი ნაყარია. ჰოდა, რისი თქმა მინდოდა – მოვიგებთ ჩვენ, უეჭველი.“
ხოლო, თუ გავითვალისწინებთ, რომ დღემდე იმაზეა ძირითადად სჯა-ბაასი, თუ ვინ გაასაჯაროვა შემზარავი სისტემური დანაშაულის შემცველი კადრები, თუ ბ-ნი კახიძის ლოგიკას მივყვებით, თუ ისევ „კაი ტიპები“ მოხვდნენ „ღუმელთან“ (ამ კონკრეტულ შემთხვევაში – ძალაუფლების სათავეში), „ბნელებს“ „შავი ზღვა (ანუ ძველი ჩანაწერები) თეთრად მოეჩვენებათ“?! –

скачать dle 11.3