პიკანტური სალათა
საჭირო ინგრედიენტები: 500 გრამი საქონლის ხორცის მჭლე ფილე, 6 თავი ხახვი, 5 სადილის კოვზი ზეთი, 1 სადილის კოვზი ტომატ-პასტა, 20 სადილის კოვზი წყალი; 5-5 მარცვალი სურნელოვანი, თეთრი და შავი პილპილი, ნახევარი ჩაის კოვზი წითელი ცხარე წიწაკა, დაფნის ფოთოლი, 5 კბილი ნიორი, 1 სადილის კოვზი თეთრი ძმარი, მარილი.
მომზადების წესი: ხახვი დაჭერით თხელ ნახევარრგოლებად, მოასხით წყალში გაზავებული ძმარი და გააჩერეთ 50-60 წუთის განმავლობაში და შემდეგ თუშფალანგზე დაწურეთ. საქონლის ხორცი მოხარშეთ, მაგრამ ისე, რომ სრულ მოხარშვას ცოტა აკლდეს. ხარშვისას წყალში ჩაუმატეთ დაფნის ფოთოლი და შავი, თეთრი და სურნელოვანი პილპილის მარცვლები (5-5 ცალი). ხორცი ბულიონშივე გააცივეთ. შემდეგ ამოიღეთ და დაჩეჩეთ ბოჭკოების მიმართულებით.
თასში მოათავსეთ ხახვი და მოხარშული ხორცი. ტაფაზე ცხელ ზეთში შეურიეთ ტომატ-პასტა, დაფქული წითელი წიწაკა, დანაყილი ნიორი, უყავით მარილი, თან ურიეთ და თან შუშეთ 3-4 წუთი. სოუსი ცხელივე მოასხით ხორცსა და ხახვს, კარგად ამოურიეთ და შედგით მაცივარში 1-2 საათით. ყველას ძალიან მოეწონება.