იმის ფონზე, რაც ჩვენს ქვეყანაში ხდება, ერთი სასიხარულო ინფორმაცია გავრცელდა: მსახიობი გიორგი ბახუტაშვილი პატარა გოგონას – ბეა ბახუტაშვილის მამა გახდა. 15 ივნისს „იმედის კლინიკაში“ გიორგის მეუღლემ, თაკო შოშიაშვილმა იმშობიარა და ქმარს გოგონა აჩუქა. ბეა ამ მშვენიერი წყვილის პირველი შვილია. როგორც შევიტყვეთ, თაკოს მშობიარობამ ნორმალურად ჩაიარა, თუმცა, რა თქმა უნდა, მამა ძალიან ნერვიულობდა. მეგობრები გარეთ გულშემატკივრობდნენ თაკოსა და გიორგის და პატარა ბეას დაბადება შამპანურით აღნიშნეს. იმავე საღამოს ბეა ბახუტაშვილის დაბადება ბედნიერმა მამამ უკვე მეგობრებისა და ახლობლების წრეში აღნიშნა. ჩვენ ვულოცავთ მათ პირველი ქალიშვილის დაბადებას და ჯანმრთელობას, სიხარულსა და ბედნიერ მომავალს ვუსურვებთ.