კითხვა: დავიბადე 1997 წლის 26 თებერვალს. რომელი ასტროლოგიური ქვებია ჩემთვის მისაღები და რომელი ქვეყნები და პროფესიებია წარმატების მომტანი?

პასუხი: ქვებიდან თქვენთვის მისაღებია: მწვანე ან ყვითელი ფერის იასპი, ონიქსი, ქრიზოპრაზი, მარგალიტი, ალექსანდრიტი, მარჯანი, ამეთვისტო; პროფესიებიდან კი, წარმატებას მოგიტანთ: საბანკო, ეკონომიკური, სავაჭრო, საფინანსო საქმის ფართო სპექტრი, მედიცინა, ჟურნალისტიკა, რადიო, ტელევიზია, პრესა, სარეკლამო, საგამომცემლო ინდუსტრია, პედაგოგიური მოღვაწეობა ან ბიზნესი, ლინგვისტიკა, სოციოლოგია, ავტომატიკისა და ტელემექანიკის სფეროები, პოლიტიკის ფართო სპექტრი, მშენებლობა, საინჟინრო სფერო, სამხედრო სტრუქტურები, საგამომძიებლო ორგანოები, უშიშროების სფერო. უცხოეთი თქვენი კოსმიური მისია არ არის, საშუალოდ  სარგებლიანია. ქვეყნებიდან კარგია: გერმანია, იაპონია, ხორვატია, ინდოეთის დასავლეთი მხარე, ლიტვა, საბერძნეთი, ესპანეთის ანდალუზიის მხარე, კუნძული კრეტა, ამერიკის შეერთებული შტატებიდან ვირჯინიის შტატი, შვეიცარიის ჩრდილოეთი ნაწილი, თურქეთის დასავლეთი მხარე, ბელორუსია, ბულგარეთი, ირლანდია, მექსიკა, ჩინეთის სამხრეთი ნაწილი, ყირგიზეთი, თურქმენეთი, ალბანეთი.

კითხვა: ჩემი შვილი დაიბადა 2003 წლის 4 აპრილს. მაინტერესებს, რომელ სფეროში და რომელ ქვეყანაში მიაღწევს წარმატებებს მომავალში?

პასუხი: თქვენი შვილისთვის წარმატების შანსი სწორედ უცხოეთს უკავშირდება. იქ წარმატებებს ადვილად მიაღწევს და ცხოვრებაშიც წინ წაიწევს. ქვეყნებიდან კი კარგია: ავსტრალია, საფრანგეთის სამხრეთი ნაწილი, სლოვენია, კუნძული მადაგასკარი, ესპანეთი, პორტუგალია, კუნძული მალტა, იტალიის სამხრეთი ნაწილი, უნგრეთი, ინგლისის დასავლეთი მხარე, კანადა, ბელგია, ამერიკის შეერთებული შტატების აღმოსავლეთი ნაწილი, კუნძული სარდინია, ჩრდილოეთ აფრიკის ქვეყნები, საბერძნეთი. პროფესიებიდან მისაღები და წარმატებების მომტანია: პოლიტიკის ფართო სპექტრი, პროფესიონალური დიპლომატია საელჩოებისა და საკონსულოების დონეზე, იურისპრუდენცია, ფოტოგრაფის ხელოვნება ან ბიზნესი, სპორტის ფართო სპექტრი, ტურიზმი, ჟურნალისტიკა, რადიო, ტელევიზია, პრესა, სარეკლამო, საგამომცემლო ინდუსტრია, სამეცნიერო კვლევა, სამაკლერო საქმიანობა, საავიაციო ბიზნესი ან შემოქმედება.