როჯერსი: არ დაელოდო უძრავი ქონების შეძენას. შეიძინე უძრავი ქონება და მერე დაელოდე.

ტვენი: იყიდეთ მიწა, მას აღარავინ აწარმოებს.

ბორელფელდი: ბრძენი დრო-ჟამს უსწრებს, გონიერი ფეხდაფეხ მისდევს, მზაკვარი ძარცვავს და უგუნური წინ, ფეხებში ეხლართება.

პოლი: მარტო სიღარიბეა ისეთი ტვირთი, რომელიც მით უფრო მძიმეა, რაც უფრო ბევრს  ჰკიდია.

ტოლსტოი: ის კაცი, რომელიც ტანჯვის ატანას არის შეჩვეული, უბედური არ იქნება.

კიროსი: სულგრძელოვან კაცთათვის დავიწყება წამალია წყენისა.

დიუმა (შვილი): ის აზრი, რომ გენიოსობას საზღვარი აქვს და უგუნურებას კი არა, დროგამოშვებით საშინლად მაწუხებს ხოლმე.

დუკლო: სამნაირია უმეცრება. პირველია ცოდნა, მეორე – ცუდად ცოდნა იმისი, რაც იცის; მესამე – ცოდნა იმისი, რაც არ უნდა იცოდეს.

ბუასტი: რამდენი კაცი დამუნჯდებოდა ქვეყანაზე, რომ აკრძალული იყოს საკუთარი თავის ქება და სხვისი ძაგება.

ვეისი: ვინც ძალიან ბევრ ყურადღებას აქცევს იმას, რასაც სხვანი მასზე ლაპარაკობენ, ამხელს სისუსტეს თავისი ხასიათისა და არასდროს ბედნიერი არ იქნება.

უარონკერი: იყიდე უძრავი ქონება იქ, სადაც გზას მივყავართ, მაგრამ იყიდე მეტი იქ, სადამდე მიმავალი გზაც არ არსებობს. თუმცა, შესაძლებელია, რომ გააჩინო.

ბერნე: დიდბუნოვან ადამიანთა შეცდომები უფრო მეტ ჭკუას გვასწავლის, ვიდრე ჭეშმარიტებანი წვრილმანებისა.

ბლესინგტონი: კაცი, რომელსაც არ ძალუძს თვითონ ამაღლდეს სულით, სხვის დამდაბლებას ცდილობს.

შილერი: საშუალო ბუნების ადამიანი თავის არსებობას იმით აღნიშნავს, რასაც ქმნის, დიდბუნებიანი კი – იმით, რაც თვითონ არის თავისთავად.

შაფო: ვისაც დიოგენის ფარანი აქვს, იმას მისი ყავარჯენიც უნდა ჰქონდეს.

ფლეშიე: თუ გინდა, რომ ემსახურო საზოგადოებას, ჯერ გულიდან უნდა ამოიღო შიში არმოწონებისა.

სეგური: იშვიათია, რომ თავის შესახებ ჭეშმარიტების მოსმენა კაცს ეამოს.

სვიფტი: მედიდურობა იმდენად სიამაყის ნიშანი არ არის, რამდენადაც შეგნებაა საკუთარი არარაობისა.

სტივენსონი: ლომი ცხოველების მეფეა, მაგრამ შინაური ცხოვრებისთვის უვარგისი. ასევეა სიყვარული, ის ძალზე ძლიერი გრძნობაა, რომ ქორწინებას დაედოს საფუძვლად.