20 თებერვალს, ბათუმის მუსიკალურ ცენტრში (ოპერის თეატრში), „ქალაქური სიმღერების საღამო“ გაიმართება.  „ზამთრის ფესტივალის“ ფარგლებში წარმოდგენილ კონცერტზე ძირითადად კომპოზიტორ ნანა მესხის სიმღერები შესრულდება.  მაყურებლის წინაშე წარდგებიან: ტრიო „თბილისი“, ანსამბლი „თეატრონი“  და თავად ქალბატონი ნანა მესხი. ასევე, ლელა გოლიაძის ხელმძღვანელობითა და ნანა მესხის პროდიუსერობით განხორციელდა შესანიშნავი პროექტი – „მომღერალი მიმტანები“.
ნანა მესხი: 15 დეკემბერს ბათუმში დიდი საავტორო საღამო მქონდა სახელმწიფო მუსიკალურ ცენტრში. თბილისიდან მყავდა წაყვანილი საუკეთესო შემსრულებლები. ღონისძიებაში მონაწილეობას იღებდა 36 მომღერალი. სწორედ ამ საღამოს შემდეგ დაიგეგმა სხვა ღონისძიებების ჩატარება ბათუმში, მათ შორის არის „ქალაქური სიმღერების საღამო“, რომელიც „ზამთრის ფესტივალის“ ფარგლებში გაიმართება.