გოეთე: რისი მოსმენაც აღაშფოთებს უბიწო ყურებს, ის ტკბილ ოცნებად ესახებათ უბიწო გულებს.

ტვენი: ადამი ადამიანი იყო – ეს კი ყველაფერს ხსნის. მან ვაშლი იმიტომ კი არ მოიპარა, რომ მისი ჭამა უნდოდა, არამედ იმიტომ, რომ აკრძალული იყო. ცუდი ისაა, რომ გველი არ იყო აკრძალული, თორემ, ადამი მასაც შეჭამდა.

ბალზაკი: ვნებები უნივერსალური ჰუმანურობაა, რომელიც რელიგიის, ხელოვნების, რომანტიკისა და ისტორიის გარეშე უსარგებლო იქნებოდა.

ფულერი: გრძელი ცხვირის პატრონს ჰგონია, რომ ყველა მის ცხვირზე ლაპარაკობს.

ჩესტერფილდი: სიმართლის დაფარვა, სადაც ეს საჭიროა, კეთილგონიერებაა, მაშინ, როცა ტყუილი ნებისმიერ შემთხვევაში – სიმდაბლე და სიბრიყვეა.

უაილდი: სიბერის ხელოვნება მდგომარეობს იმაში, რომ დასაყრდენი იყოს ახალგაზრდობისთვის და არა წინაღობა; მასწავლებელი და არა მეტოქე; მათი თანამგრძნობი და არა გულგრილი მათ მიმართ.

ტოლსტოი: ჯობია, საქმეში ცოტა და კარგი,  ვიდრე ბევრი და ცუდი.

ავრელიუსი: გავაკეთე რამე საზოგადო კეთილდღეობისთვის? მაშასადამე, მე მოვუტანე სარგებლობა ჩემს თავს. ნურასოდეს მოიშორებ ამ აზრს და ნურავითარ მდგომარეობაში ნუ აიღებ მასზე ხელს.

ოთარ ჭილაძე: ადამიანი ჰგავს იმ ქვეყანას, რომელსაც მისი სამშობლო ჰქვია, ხოლო სამშობლო თავს ურჩევნიათ ადამიანებს და არა მონებს.

კანეტი: ყველაფერი ის, რაც იჭმევა, ხელისუფლების საგანია.

სენეკა: კუჭი, რომელიც ცოტათი კმაყოფილდება, ბევრი რამისგან თავისუფლდება.

ავრელიუსი: თუ ადამიანი შიმშილსა და წყურვილს არ გამოსცდის, ჭამა-სმით ვერ ისიამოვნებს.

ლაროშფუკო: საზოგადოებაში არცთუ იშვიათად დიდ პატივს სცემენ იმ კაცს, რომლის ერთადერთი ღირსებაც ყოველდღიურ ცხოვრებაში სასიამოვნოდ მიჩნეული ბიწიერება გახლავთ.

მოპასანი: სიყვარული რომ ჭეშმარიტი იყოს, მან, ჩემი აზრით, გული უნდა შეძრას, მტანჯველად დაგიძაბოს ნერვები, დაგიცარიელოს ტვინი; უნდა იყოს სავსე ფათერაკებით, საზარელიც კი, თითქმის დანაშაულებრივი, თითქმის სიწმინდის მგმობელი; უნდა იყოს რაღაც ღალატის მსგავსი; მინდა ვთქვა, რომ უნდა არღვევდეს წმინდა წინაღობას, კანონებს, ძმურ კავშირს; როდესაც სიყვარული მშვიდია, წყნარი, მოკლებული ხიფათს, კანონიერია – განა ეს ჭეშმარიტი სიყვარულია?!

მორუა: რესტორანში მაგიდასთან მსხდომ წყვილზე დაკვირვებისას იოლად შეიძლება ამოიცნო, თუ რამდენ ხანს ცხოვრობენ ერთად – მათ საუბარში პაუზის მიხედვით.