„უნიქარდს“ და ტექნიკის სახლ „ოქეის“ სამი წლის პარტნიორობა აკავშირებთ. ამ ხნის განმავლობაში, არაერთი საინტერესო აქცია შესთავაზეს  მომხმარებლებს. ამჯერად, საახალწლოდ ყოველი 30-ე მომხმარებელი საჩუქარს იღებდა „ოქეისგან“. ყველაზე იღბლიან 30-ეს კი, უნიტური ელოდა  ბარსელონაში „უნიქარდისგან“.    

იღბლიანი 30-ე თიკა ასათიანი აღმოჩნდა. ამ სასიამოვნო ქალბატონს გავესაუბრეთ და მოკლედ გვიამბო უნიტურის მოგების ისტორიაც. 

– მიუხედავად იმისა, რომ „უნიქარდის“ აქტიური მომხმარებელი ვარ, ტურის მოგების ამბავი მაინც უცნაური იყო და უფრო მეტად ჩემი შვილის, 7 წლის მაშოს დამსახურებაა, ვიდრე ჩემი. 12 იანვარს დაბადების დღე მქონდა და მაშომ მოინდომა, თავისი ფულით ჩემთვის საჩუქარი ეყიდა. დავთანხმდი და შევთავაზე, რომ ჭურჭლის ან ტანსაცმლის მაღაზიაში ერთად აგვერჩია საჩუქარი. მაშომ უარი განაცხადა და აიჩემა, რომ ტექნიკის მაღაზიაში, თან მაინცდამაინც „ოქეიში” (საბურთალოზე როა, აი იქ! –ასე ამბობდა) უნდა წავეყვანე და იქ ეყიდა ჩემთვის „ყველაზე მაგარი“ საჩუქარი. 13 იანვარს ბევრი საქმე მქონდა და საღამოს 8 საათამდე სახლიდან ვერ გამოვედით. უკვე საკმაოდ გვიანი იყო, როცა „ოქეიში“ მივედით. ბევრი ფიქრის შემდეგ, ავარჩიეთ ყურსასმენები, ვიყიდეთ და „უნიქარდიც“ გავატარეთ. თუმცა, აქციის შესახებ არ ვიცოდი. მაღაზიიდან რომ გამოვედით  ტელეფონზე მოვიდა შეტყობინება, რომელიც გვამცნობდა, რომ „ოქეის“ მაღაზიათა ქსელში ვიყავი 30-ე იღბლიანი მომხმარებელი და მოვიგე 2-კაციანი უნიტური ბარსელონაში. თავიდან ხუმრობა მეგონა, იქვე ვიყავით და „ოქეიში“ შევბრუნდით. „ოქეის“ თანამშრომლები უკვე საქმის კურსში იყვნენ და მოგვილოცეს.  საოცარი სიურპრიზი გაგვიკეთა „ოქეიმ“ და „უნიქარდმა“ საახალწლოდ.