ანეგდოტები
გივი სიხარულიძის ანეკდოტები
სვანი მგზავრობს მეტროთი. ცხადდება: მარჯანიშვილი, გოცირიძე, რუსათველი, ახმეტელი. სვანი არა და არ ჩადის. ბოლოს გამოვიდა მემანქანე და სვანს ეუბნება:
– თქვენ არ ჩადიხართ?
სვანი აღშფოთდა:
– ჯერ ჩემი გვარი არ გამოუცხადებიათ და!
***
გურულს სამი გოგო ჰყავს, სამივე გათხოვილი. ერთ დღესაც სტუმრად ჩამოუვა შვილები სიძეებთან ერთად. ერთ-ერთი სიძე იფიქრებს, სიმამრს ვასიამოვნებო და შესთავაზა:
– შენი ძაღლი ხომ დედალია? ჰოდა, მე მყავს ასეთი ჯიშის მამალი ძაღლი და შევაჯვაროთო.
მეორე სიძემ იფიქრა, მეც ვასიამოვნებო და შესთავაზა სიმამრს:
– ამდენი დედლები რომ გყავს, ისეთი მამალი მყავს, ყველაფერს ბრდღვნის და მე ჩამოგიყვანო.
მესამე სიძემ იფიქრა, ბარემ მეც ვასიამოვნებო და უთხრა სიმამრს:
– მამი, მე მაგარი ბუღა მყავს და შენი ძროხის დამაკების დრო რომ მოვა, მე მითხარიო.
გადაირია სიმამრი:
– არიქა ახლა, არ დამიტოვოთ ოჯახში, არავინ ქალიშვილიო!
***
ვანელი შევა აფთიაქში და პრეზერვატივს მოითხოვს. გამყიდველი შესთავაზებს:
– თეთრი გინდათ, შავი თუ მიკი მაუსი?
ვანელმა შავი იყიდა.
შვილი რომ წამოეზარდა, ჰკითხა:
– მამი, შენ თეთრი ხარ, მე შავი და რატომ?
– მადლობა თქვი, შვილო, მიკი მაუსი რომ არ ხარ! – უპასუხა მამამ.
***
ცოლი ქმარს ურეკავს:
– საყვარელო, სერიოზული პრობლემა მაქვს, „მაიბახს” დავეჯახე, მფლობელს შევთავაზე ნატურით გადაგიხდი-მეთქი და დამთანხმდა.
– მერე ჩემგან რაღა გინდა?
– მფლობელი გეია!
ონისე ონიანის ანეკდოტები
ჭიჭიკიას ეკითხება ბიჭიკია:
– წყალი მოდის შენთან?
ჭიჭიკია პასუხობს:
– რა წყალი, ბიჭიკია, ისეთი დამშრალია რიონი, ბაყაყები ერთმანეთს აფურთხებენ, რომ დასველდნენო.
***
მიცვალებულია გურიაში. პანაშვიდის მერე დაიწყეს მსჯელობა:
– როის გავბანოთ? როის ჩავაცვათ?..
ერთი კაზახი ატყდა და აღარ გაჩერდა, გინდა თუ არა, დღეს არა, ხვალ დილით ჩავაცვათო. ამოუვიდა მისი ისტერიკა მეზობელს ყელში და მიაძახა:
– რაია ძამა, ახლა რომ ჩავაცვათ რა, დილამდე ამეიჩეჩავს, თუ რავაა საქმე?