19 იანვარი

1903 – შედგა პირველი ველორბოლა „ტურ დე ფრანსი“.

1915 – პირველად და უკანასკნელად ისტორიაში შედგა გერმანელთა სამხედრო დირიჟაბლების თავდასხმა ინგლისზე.

1939 – ვინმე ერნესტ ჰაუზენმა, უჩვეულო რეკორდი დაამყარა – 5 წამში გაპუტა დაკლული ქათამი.

1955 – ამერიკის პრეზიდენტმა დუაიტ ეიზენჰაუერმა პირველად მოაწყო საკუთარი პრესკონფერენციის ტელეჩვენება.

1966 – ინდირა განდი გახდა ინდოეთის პრემიერ-მინისტრი.

20 იანვარი

1265 – შედგა ინგლისის პირველი პარლამენტის პირველი სხდომა.

1841 – ჩინეთმა ქალაქი ჰონკონგი 156 წლით ინგლისს გადასცა სამმართავად.

1946 – აშშ-ის პრეზიდენტმა ტრუმენმა ხელი მოაწერა ცენტრალური სადაზვერვო სამსახურის (ცრუ) შექმნის დოკუმენტს.

21 იანვარი

1506 – რომის პაპ იულიუს მეორის ბრძანებით შეიქმნა ვატიკანის შვეიცარიელთა გვარდია. ის მსოფლიოში დღეს არსებულთაგან ყველაზე უფრო ძველ სამხედრო შენაერთად ითვლება.

1954 – ამერიკის შეერთებულ შტატებში ექსპლუატაციაში შევიდა მსოფლიოში პირველი ბირთვული წყალქვეშა ნავი „ნაუტილუსი“.

1993 – ქალაქ უტიკაში (ამერიკის შეერთებული შტატები) გამოაცხვეს მსოფლიოში უდიდესი ფუნჩულა (პონჩიკი), წონით 1,7 ტონა.

22 იანვარი

1964 – ზამბია გახდა დამოუკიდებელი სახელმწიფო.

1970 – დაიწყო თვითმფრინავ „ბოინგ 747-ის“ რეგულარული ფრენები (დღეს ის ყველაზე უფრო გავრცელებული სამგზავრო თვითმფრინავია მსოფლიოში).

23 იანვარი

1556 – ჩინეთში მოხდა კაცობრიობის ისტორიაში უდიდესი მიწისძვრა (9 ბალი), რომლის მსხვერპლიც 820 ათასი ადამიანი გახდა.

1960 – შვეიცარიელმა მეცნიერმა ჟაკ პიკარმა და ამერიკელმა დონალდ უოლშმა ბათისკაფ „ტირესტით“ მიაღწიეს რეკორდულ სიღრმეს, ჩაეშვნენ მარიანის ღრმულში 10 915 მეტრზე.

24 იანვარი

41 – რომში შეთქმულებმა კასიუს ხერეას მეთაურობით მოკლეს იმპერატორი კალიგულა.

1848 – ჯეიმს მარშალმა კალიფორნიაში აღმოაჩინა ოქროს საბადო. ეს გახდა „ოქროს ციებ-ცხელების“ დასაწყისი.

1922 – ამერიკელმა კრისტიან ნელსონმა დააპატენტა ნაყინი „ესკიმო“.

25 იანვარი

1831 – პოლონეთის სეიმმა რუსეთის იმპერატორი, ნიკოლოზ პირველი პოლონეთის ტახტიდან გადააყენა და პოლონეთის დამოუკიდებლობა გამოაცხადა.

1895 – შედგა პირველი საერთაშორისო მატჩი ბალახის ჰოკეიში. ირლანდიამ მოუგო უელსს – 3:0.

1924 – ფრანგულ ალპურ კურორტ შამონში გაიხსნა პირველი ზამთრის ოლიმპიური თამაშები.

1971 – უგანდის ხელისუფლებაში მოვიდა გენერალი იდი ამინი. მისი მმართველობის 8 წლის განმავლობაში განადგურდა 300 ათასამდე ადამიანი.