8 დეკემბერი

1938 – საბჭოთა კავშირის შინაგან საქმეთა სახალხო კომისრად დაინიშნა ლავრენტი ბერია.

1980 – ჯონ ლენონის მკვლელობა.

1987 – ჰელსინკში მიხეილ გორბაჩოვმა და რონალდ რეიგანმა ხელი მოაწერეს ხელშეკრულებას ბირთვული იარაღის შემცირების შესახებ.

1987 – დაიწყო ინტიფადა – პალესტინელთა დიდი აჯანყება ისრაელის მიერ ოკუპირებულ ტერიტორიაზე.

1991 – დაიშალა საბჭოთა კავშირი.

9 დეკემბერი

1842 – ინგლისში გამოუშვეს პირველი საშობაო ღია ბარათი.

1884 – ლევანტ რიჩარდსორმა ამერიკის შეერთებულ შტატებში დააპატენტა გორგოლაჭებიანი ციგურები.

10 დეკემბერი

1520 – მარტინ ლუთერმა სახალხოდ დაწვა რომის პაპის ბულა და გამოაცხადა, რომ აღარ ემორჩილება ვატიკანს.

1799 – საფრანგეთში შემოიღეს ათვლის მეტრული სისტემა.

1901 – შედგა ნობელის პრემიების გადაცემის პირველი ცერემონიალი.

1948 – „გაერომ“ მიიღო ადამიანის უფლებათა მსოფლიო დეკლარაცია.

1953 – ამერიკის შეერთებულ შტატებში გამოვიდა ჟურნალ „ფლეიბოის“ პირველი ნომერი.

11 დეკემბერი

1816 – ინდიანა გახდა ამერიკის შეერთებული შტატების მეცხრამეტე შტატი.

1866 – სტარტი აიღო იახტების პირველმა შეჯიბრებამ, რომლის მიზანიც იყო ატლანტის ოკეანის გადაცურვა.

1894 – პარიზში გაიხსნა მსოფლიოში პირველი ავტოსალონი – მონაწილეობდა 9 საავტომობილო ფირმა.

1936 – ინგლისის მეფე ედუარდ მერვე გადადგა და ტახტი დაუთმო თავის ძმას –  ჯორჯ მეექვსეს.

1994 – დაიწყო ჩეჩნეთის პირველი ომი.

12 დეკემბერი

1792 – ვენაში 22 წლის ლუდვიგ ვან ბეთჰოვენი მოწაფედ დაუდგა იოზეფ ჰაიდნს.

1901 – იტალიელმა გამომგონებელმა გულიელმო მარკონიმ, წარმატებით განახორციელა პირველი ტრანსატლანტიკური რადიოკავშირი.

1913 – საფრანგეთში პოლიციამ იპოვა 1911 წელს ლუვრიდან გატაცებული „მონა ლიზა“.

1946 – პირველად გამოიტანეს გასაყიდად სარეცხი საშუალება „ტაიდი“.

13 დეკემბერი

1577 – დაიწყო ფრენსის დრეიკის ფლოტილიის მოგზაურობა დედამიწის გარშემო.

1642 – ჰოლანდიელმა ზღვაოსანმა აბელ ტასმანმა აღმოაჩინა ახალი ზელანდია.

2003 – ერაყში, ქალაქ თიქრითში, ამერიკელებმა ტყვედ იგდეს ერაყის ყოფილი დიქტატორი – სადამ ჰუსეინი.

14 დეკემბერი

1900 – გერმანელმა ფიზიკოსმა მაქს პლანკმა პირველად ჩამოაყალიბა კვანტური თეორია.

1901 – ლონდონში ჩატარდა პირველი ტურნირი მაგიდის ჩოგბურთში.

1911 – ნორვეგიელმა ბუნების მკვლევარმა რუალ ამუნდსენმა პირველმა მიაღწია სამხრეთ პოლუსს.

1920 – მოხდა პირველი სერიოზული ავიაკატასტროფა ევროპაში – ლონდონში სამგზავრო თვითმფრინავი დაეჯახა შენობას; დაიღუპა 4 ადამიანი.