„შემოდგომა 2014” – ასე ერქვა გამოფენა-გაყიდვას, რომელიც სულ ცოტა ხნის წინ ჩატარდა საქართველოს ფოლკლორის სახლში. პროექტის ავტორები არიან და საინიციატოვი ჯგუფში შედიან: თემურ დვალიშვილი, გელა კენჭუაშვილი, შოთა ქურიძე და გია მარკოზაშვილი. ეს იყო  მათ მიერ მოწყობილი მეორე გამოფენა (პირველი გამოფენის მიზანი, რომელიც გაზაფხულზე მოეწყო, იყო თანამედროვე მხატვართა პოპულარიზაცია და ჩატარდა სახელწოდებით – „გაზაფხული 2014“).  გამოფენაში მონაწილეობას იღებდა 60 მხატვარი საქართველოს სხვადასხვა კუთხიდან – აფხაზეთიდან, აჭარიდან, ქართლიდან და სხვა.

გამოფენა-გაყიდვამ ძალიან კარგად ჩაიარა და ეს მოვლენა პრესამ და ტელევიზიამაც გააშუქა. საგამოფენო დარბაზი ნამუშევრებს ვეღარ იტევდა, აღარაფერს ვამბობთ დამთვალიერებელთა რაოდენობასა და ინტერესზე.

დიდი ხანია, საქართველოში ასეთი მასშტაბური გამოფენა არ მოწყობილა; ძირითადად, ეწყობა მხოლოდ პერსონალური გამოფენები, რაც ყველა მხატვრისთვის არ არის შესაძლებელი სხვადასხვა მიზეზის გამო. იგეგმება, რომ ასეთი გამოფენების მოწყობა მომავალშიც გაგრძელდეს.