„სიცოცხლის პირველი 1 000 დღე განსაზღვრავს ჯანმრთელობას“ – სწორედ ამისი თქმა უნდოდათ სამედიცინო კონფერენციაზე, რომელიც 26 ნოემბერს, სახელმწიფო სამედიცინო უნივერსიტეტის დარბაზში გაიმართა.

კონფერენციაზე წარმოდგენილი იქნა უწყვეტი სამედიცინო, საგანმანათლებლო და ექიმთა პროფესიული განვითარების პროგრამა, რომელიც საქართველოს ნეონატოლოგთა ასოციაციამ, თბილისის სახელმწიფო სამედიცინო უნივერსიტეტის მტკიცებითი მედიცინის მასალებზე დაყრდნობით, შეიმუშავა.

პროგრამა „სიცოცხლის პირველი 1 000 დღე განსაზღვრავს ჯანმრთელობას“ მიზანია ექიმთა და საშუალო სამედიცინო პერსონალის პროფესიული დონის ამაღლება მილენიუმის ძირითად მიმართულებებში. პროგრამა მომზადდა საქართველოს ნეონატოლოგთა ასოციაციისა და კომპანია „ნესტლეს“ ინიციატივით. პროგრამის ფარგლებში ექიმები და ექთნები თბილისსა და რეგიონებში გაივლიან ტრენინგებს. მათ გადაეცემათ შესაბამისი სერტიფიკატები.