ნიკო მუსხელიშვილის ხუმრობები
ნიკო მუსხელიშვილი, ყველაფერთან ერთად, დიდი იუმორის გრძნობით იყო დაჯილდოებული. მას ცხოვრებაში ბევრი კურიოზი გადახდა.
***
ნიკომ დაქვრივების შემდეგ, თავისი მდივანი რუზანა შეირთო ცოლად.
პროფესორ ლეო მაღნარაძეს კი შრომების დაბეჭდვაში ცოლი ეხმარებოდა.
ამასთან დაკავშირებით ნიკომ ბრძანა: მე მდივანი ცოლად გავიხადე და ლეო მაღნარაძემ ცოლი მდივნად გადააქციაო.
***
ნიკო მუსხელიშვილი ბგერა „რ“-ს კარგად ვერ გამოთქვამდა. ერთხელ მას ახლო მეგობრებში დაუჩივლია:
რა უბედური კაცი ვარ, ასო „რ-ს“ ვერ ვამბობ და ბედმა კი ისე განსაჯა, ჩემს პირველ მეუღლეს თამარი ექვა, ცოლის დას – რუსუდანი, ცოლის ძმას – გიორგი, გიორგის მეუღლეს – ჟორჟეტა. სიდედრი გურამიშვილის ქალი მყავდა და შვილს გურამი დავარქვით. რომ დავქვრივდი, მეორე ცოლი შევირთე – რუზანა...