დიეტოლოგებმა მას „სწორი დიეტა“ უწოდეს. ის 14 დღე გრძელდება და, თუ ყველაფერს ზუსტად დაიცავთ, უმტკივნეულოდ და მყარად დაიკლებთ 5-7 კილოგრამს.

ამ დიეტის დაცვის დროს კატეგორიულად აუცილებელია დილის საუზმე: ყავა ან მწვანე ჩაი (1 კოვზი თაფლით), 1 ცალი მოხარშული კვერცხი, 1 ნაჭერი ტოსტი, 1 ნაჭერი ყველი (შეგიძლიათ ყველი ხაჭოთი ჩაანაცვლოთ). დანარჩენი დღის განმავლობაში კი ერთი და იმავე მენიუთი უნდა იკვებოთ მთელი 14 დღე: ხილის სალათა, ტოსტი, ჩაი, ყავა, მჭლე ხორცი, უცხიმო თევზი, ბოსტნეული, დიეტური რძის პროდუქტები.

პირველი დღე

სადილი: 150 გრამი მოხარშული მჭლე ხორცი უმი ან მოთუთქული ბოსტნეულის გარნირით; უშაქრო ჩაი, ყავა ან წყალი.

ვახშამი: 150 გრამი მოხარშული თევზი, თითო ცალი კიტრისა და პომიდვრის სალათა, 1 ნაჭერი ტოსტი; მწვანე ჩაი უშაქროდ.

შუალედებში – ხილი. წყალი – 2 ლიტრამდე.

მეორე დღე

სადილი: უცხიმოდ მოხარშული ბრინჯი ძალიან ცოტა მარილით, ხილის სალათა; უშაქრო ყავა ან ჩაი.

ვახშამი: 150 გრამი მოხარშული უცხიმო ხორცი (ფრინველის ან საქონლის) ბოსტნეულის გარნირით, 1 ჩის ჭიქა უცხიმო კეფირი.

შუალედებში – იგივე.

მესამე დღე

სადილი: მოხარშული თევზი – თინუსი; ბოსტნეულის სალათა; 1 ცალი გრეიპფრუტი.

ვახშამი: რაგუ ბოსტნეულითა და მოხარშული მჭლე ხორცით; 1 ჩაის ჭიქა გაზგასული მინერალური წყალი. 

შუალედებში – იგივე.

მეოთხე დღე

სადილი: 2 ცალი მოხარშული კვერცხი; 100 გრამი უცხიმო ხაჭო; 1 ცალი პომიდორი, 1 ნაჭერი ტოსტი; უშაქრო მწვანე ჩაი ან ყავა.

ვახშამი: მოხარშული წიწილა; ისპანახი; 1 ცალი ვაშლი; გაზგასული მინერალური წყალი.

შუალედებში – იგივე.

მეხუთე დღე

სადილი: უცხიმო ყველის ასორტი (3-4 პატარა ნაჭერი); ისპანახის სუპ-პიურე, თითო ცალი პომიდვრისა და კიტრის სალათა ყველანაირი მწვანილით; უშაქრო ყავა.

ვახშამი: 150 გრამი უცხიმო ხაჭო; ბოსტნეულის სალათა; უშაქრო მწვანე ჩაი.

შუალედებში – იგივე.

მეექვსე დღე

სადილი: ფრინველის მოშუშული ხორცი; ბოსტნეულის სალათა; 1 ცალი გრეიპფრუტი; ყავა.

ვახშამი: 300 გრამი ხილის ასორტი, ჩაი.

შუალედებში – იგივე.

მეშვიდე დღე

სადილი: მოხარშული ფრინველის ხორცი ცოცხალი ბოსტნეულის გარნირით; 1 ჩაის ჭიქა კეფირი, 1 ცალი გრეიპფრუტი.

ვახშამი: მოხარშული ხბოს ხორცი მოთუთქული ბოსტნეულის გარნირით. 1 ცალი ვაშლი. უშაქრო მწვანე ჩაი.

შუალედებში – იგივე.

თითოეული ულუფის რაიოდენობა არ უნდა აღემატებოდას 250-300 გრამს, ბოლო კვება კი არ უნდა გადააცილოთ 18 საათს. თუ დაძინებამდე ძალიან მოგშივდათ, მიირთვით 1 ცალი ვაშლი, 1 ჭიქა მაწონი, 1 ცალი უმი სტაფილო ან 1 ცალი უმი ბულგარული წიწაკა.

მერვე დღიდან მეთოთხმეტე დღის ჩათვლით, თავიდან ბოლომდე გაიმეორებთ პირველ 7 დღეს.

ამ დიეტის განმეორება შეიძლება მხოლოდ 2-3-კვირიანი შუალედის შემდეგ.