ნეიმარის ახალი გოგო

„ბარსელონისა” და ბრაზილიის ნაკრების ლიდერს, ნეიმარს, ახალი სატრფო ჰყავს – სერბი მოდელი სორაია ვუცელიჩი ნეიმარმა ერთ-ერთ კერძო წვეულებაზე გაიცნო. ესპანელი და ბრიტანელი ჟურნალისტების ვერსიით, ბრაზილიელი ვარსკვლავისა და სერბი ლამაზმანის რომანი ელვისებური სისწრაფით ვითარდება. ცნობილია, რომ ნეიმარი დიდხანს ვერ ძლებს საყვარელი ადამიანის გარეშე და ბელგრადში ხშირად გზავნის კერძო თვითმფრინავს, რათა მან დიდმკერდიანი ლამაზმანი ბარსელონაში ჩამოიყვანოს.

ყველაზე სექსუალური არბიტრი

შვეიცარია არა მარტო საათებითა და ყველით არის განთქმული, არამედ, იმითაც, რომ ამ ქვეყანაში მსოფლიოში ყველაზე სექსუალური საფეხბურთო ქალი არბიტრი საქმიანობს. აურელია სარა ბოლიე შვეიცარიის ჩემპიონატის დაბალ ლიგებში მსაჯობს და მომავალში ჩემპიონთა ლიგის მატჩებზე მუშაობაზე ოცნებობს. ლამაზმანი წითელი და ყვითელი ბარათების ფრიალს არ ერიდება და საკმაოდ ხისტი არბიტრის სახელით სარგებლობს, თუმცა, ამის მიუხედავად, მისი თაყვანისმცემლების არმია სულ უფრო იზრდება.