ანეგდოტები
კაცი სამოთხის კარს მიადგა, აკაკუნებს. გაუღეს კარი, რა გინდაო, ეკითხებიან.
– სამოთხეში მინდა მოვხვდე.
– აბა, გვითხარი, ცხოვრებაში რა სიკეთეები გიკეთებია.
– კი იყო... ვხედავ, რამდენიმე ხულიგანი ქალს ხელჩანთას ართმევს. მივედი, და ყველაზე მოსულ ტიპს ყბაში ვგლიჯე...
– ყოჩაღ! ეგ როდის მოხდა?
– ორი წუთის წინ.
***
„მე შენ შეგეჩვიე“ უფრო დამაჯერებელად ჟღერს, ვიდრე „მე შენ მიყვარხარ“.
***
გაიმართა ავტომობილების ტესტირება. ყველაზე საშიშ ავტომობილად დასახელდა რუსული „ოკა“ – სანამ მანქანაში სვამდნენ, მანეკენს ორივე ფეხი მოტყდა.
***
მაღაზიაში ცოლქმარი კამათობს.
– მანტო არ მინდა, არ ჩავიცვამ, კურტკაში თავისუფლად ვგრძნობ თავს... კურტკას ვიყიდი.
– რა კურტკა?! აუცილებლად მანტო უნდა იყიდო, თანაც ძვირფასი... ხალხში ხომ უნდა გამოჩნდე – ჩემი დაქალების ქმრებს ასე აცვიათ, მეზობლის ნიკასაც... მე ვისზე ნაკლები ვარ?!
– ხომ არ დაგეხმაროთ, რა შეგირჩიოთ? – მიუახლოვდა მათ კონსულტანტი.
– საკვები ჩრჩილისთვის! – უპასუხა ქმარმა.
***
– ნუ მიყვირი, თორემ ავად გახდები?
– რით?
– ყბების მონგრევით და კიდურების გადამტვრევით?
***
მომავალმა მამამ გადაწყვიტა, ცოლის მშობიარობას დაესწროს... ცოლის ხელი ხელში დაიჭირა, უყურებს, უყურებს და... წაუვიდა გული. გამოიყვანეს ბლოკიდან... როგორც იქნა იმშობიარა ცოლმა და ქმარს ეუბნებიან.
– გილოცავთ, გოგონა შეგეძინათ!
– მადლობა ღმერთს, ჩემსავით მაინც არ გაწვალდება.
***
– რა საინტერესოა, არიან სამყაროში გონიერი არსებები?
– არიან.
– მაშინ, რატომ არ გვიკავშირდებიან?
– ისინი ხომ გონიერები არიან...
***
ქალი, როგორც შუქნიშანი – ჯერ ანთებს წითელს, მერე ყვითელს და ბოლოს მწვანეს.
კაცი კი, როგორც მძღოლი – ნებისმიერზე მიდის.
***
ქმარი შინ გვიან ღამით დაბრუნდა. ცოლს რომ ალიაქოთი არ აეტეხა, კედლის საათი სამი საათით უკან გადასწია, დაწვა და ცოლსაც გაეღვიძა...
– სად იყავი ამდენ ხანს? ოჯახზე საერთოდ არ ფიქრობ...
– რა გჭირს, შეხედე, ჯერ 12 საათია...
შეხედა ცოლმა საათს, 12ია და უცბად დატკბა.
– ჰო, კარგი, რამე ხომ არ გინდა?
– წყალს თუ მომიტან...
გავიდა ცოლი სამზარეულოში და... საათი იქ 3-ს უჩვენებს. გამოვარდა გაბრაზებული საძინებლისკენ. ქმარმა საათის გადაწევა მოასწრო და ცოლს პირის გაღება არ აცალა:
– რა მოგივიდა, რად უნდა ერთი ჭიქა წყლის მოტანას 3 საათი?!
***
ახალგაზრდა სამხედრო კომისარიატში მიდის:
– მინდა, ფლოტში ვიმსახურო.
– ცურვა იცით?
– თქვენ რა, გემები არ გყავთ?
***
– დაიხსომეთ, წითელი ღვინო უხდება ხორცს, თეთრი – თევზთან უნდა მიირთვათ.
– არაყი?
– ო... ეს უნივერსალური სასმელია, ყველაფერზე მიდის, ტორტზეც კი...