29 სექტემბერი

1399 – ინგლისში პლანტაგენების დინასტია შეცვალა ლანკასტერების დინასტიამ.

1650 – ვინმე ჰენრი რობინსონმა ლონდონში გახსნა პირველი „გაცნობის სააგენტო”.

1829 – დაარსდა ლონდონის პოლიცია „სკოტლენდ იარდი“.

1885 – ინგლისში, ბლეკპულში, ამოძრავდა მსოფლიოში პირველი ელექტროტრამვაი.

1916 – ჯონ როკფელერი გახდა პირველი ადამიანი, რომლის ქონებამ მილიარდ დოლარს გადააჭარბა.

30 სექტემბერი

1452 – გერმანიაში, მაინცში, იოჰან გუტენბერგმა, პირველმა დაბეჭდა ბიბლია.

1791 – ვენაში შედგა მოცარტის ოპერა „ჯადოსნური ფლეიტის“ პრემიერა.

1846 – მასაჩუსეტსელმა ექიმმა მორტონმა პირველად გამოიყენა გაუტკივარება – ანესთეზია კბილის ამოღებისას.

1882 – ამერიკის შეერთებულ შტატებში, ეპლტონში, მდინარე ფოქს-რივერზე ამუშავდა პირველი ჰიდროელექტროსადგური.

1 ოქტომბერი

1661 – ინგლისში შედგა იახტების პირველი შეჯიბრება.

1869 – ვენაში გამოუშვეს პირველი საფოსტო ღია ბარათები.

1931 – საბჭოთა კავშირში დაიწყო რეგულარული ტელემაუწყებლობა.

1946 – დასრულდა ნიურნბერგის პროცესი, სადაც გაასამართლეს ფაშისტი დამნაშავეები.

1977 – პელემ დატოვა დიდი ფეხბურთი.

2 ოქტომბერი

1187 – ეგვიპტის სულთანმა, სალაჰ-ად-დინმა, ჯვაროსნებს წაართვა იერუსალიმი.

1555 – ივანე მრისხანის ჯარებმა შტურმით აიღეს თათრეთის სახანოს დედაქალაქი – ყაზანი.

3 ოქტომბერი

1929 – სერბების, ხორვატებისა და სლოვენიელების სამეფომ მიიღო ოფიციალური სახელი – იუგოსლავია.

1932 – გაზეთ „თაიმსის“ დიზაინერმა შეიმუშავა ცნობილი შრიფტი  – Times New Roman.

1935 – იტალიის ჯარები შეიჭრნენ ეთიოპიაში.

1990 – გაერთიანდა გერმანია.

4 ოქტომბერი

1675 – ჰოლანდიელმა მეცნიერმა ქრისტიან ჰიუგენსმა დააპატენტა ჯიბის საათი.

1830 – გამოცხადდა ბელგიის დამოუკიდებლობა.  

1957 – კოსმოსში გაუშვეს დედამიწის პირველი ხელოვნური თანამგზავრი.

1993 – სამთავრობო კრიზისი და „თეთრი სახლის“ შტურმი მოსკოვში.

5 ოქტომბერი

1908 – ბულგარეთი გახდა დამოუკიდებელი სახელმწიფო.

1914 – მსოფლიოში პირველ საჰაერო ბრძოლაში ერთმანეთს  შეეჯახნენ ფრანგული და გერმანული თვითმფრინავები.

1921 – ლონდონში გაიხსნა პირველი საერთაშორისო პენ-კლუბი.