მზესუმზირის ფულად

მაშინ, როდესაც საკუთრივ ჩვენ გული სიამით გვევსებოდა, ან კი როგორ არ აგვევსება, როდესაც აქეთ – გაძლიერებულ პაკეტში ვართ, იქით – „ოქროს“ ხუთეულში, შევიტყვეთ, რომ „ნატო“ უკრაინას ძალოვანი სტრუქტურების გაძლიერებისთვის 15 მილიონი ევროთი დაეხმარება.

ამის შესახებ თვით „ნატოს“ გენმდივანმა უელსში უკრაინა-„ნატოს“ კომისიის დასრულების შემდეგ გამართულ პრესკონფერენციაზე განაცხადა.

მეტიც, გვაუწყა, რომ განა მხოლოდ ამას დასჯერდებიან?! უკრაინას დაეხმარებიან, რათა: გაამყაროს უკრაინის ძალოვანი სტრუქტურები ისეთი მიმართულებებით, როგორიცაა კიბერუსაფრთხოება, ლოჯისტიკა, კონტროლი და კომუნიკაცია, ასევე, ბრძოლებში დაღუპული ჯარისკაცების რეაბილიტაცია.

თუმცა, თუ დასახმარებელი თანხის ოდენობას – 15 მილიონ ევროს გავიხსენებთ და ზედ, დანგრეულ-დაჩეხილ უკრაინას დავამატებთ, სავარაუდოდ, ეს თანხა მზესუმზირის შესაძენადაა გამიზნული – მოტივით, ნერვებს აწყნარებსო. –