თევზი პომიდორში
საჭირო ინგრედიენტები: 1 თავი ხახვი, 1 კბილი ნიორი, 2 სადილის კოვზი ზეითუნის ზეთი, 1 სადილის კოვზი შაქარი, 2 სადილის კოვზი ტომატ-პასტა, 400 გრამი დაჭრილი პომიდორი, ნახევარი სადილის კოვზი თავშავა, 400 გრამი თევზის ფილე, 6 სადილის კოვზი ნაღები, 2 სადილის კოვზი დაკეპილი ოხრახუში, მარილი და წიწაკა გემოვნებით.
მომზადების წესი: ნიორი და ხახვი დაკეპეთ და ზეთში მოშუშეთ. დააყარეთ შაქარი, ერთ წუთში დაუმატეთ ტომატ-პასტა, პომიდორი, მარილი და წიწაკა. მოაყარეთ თავშავა და თავახდილი 10 წუთი ადუღეთ დაბალ ცეცხლზე. თევზი სასურველი ზომის ნაჭრებად დაჭერით, მოაყარეთ მარილი და წიწაკა. ნაღები დაუმატეთ პომიდვრის სოუსს, ჩააწყვეთ შიგ თევზის ნაჭრები და თავდახურული 6-8 წუთი ადუღეთ. ბოლოს დააყარეთ დაჭრილი ოხრახუში და გადმოდგით ცეცხლიდან.