9 ივნისი

1920 – დაიწყო სომხეთ-თურქეთის ომი, რომლის შედეგადაც სომხეთი თურქეთის სატელიტი ქვეყანა გახდა.

1931 – მოსკოვსა და ლენინგრადს შორის მოძრაობა დაიწყო მატარებელმა – „წითელი ისარი“.

1959 – წყალში ჩაუშვეს პირველი წყალქვეშა ნავი „ჯორჯ ვაშინგტონი“, ბორტზე ბალისტიკური რაკეტებით.

10 ივნისი

1898 – ამერიკელებმა დააარსეს გუანტანამოს სამხედრო ბაზა.

1909 – დაარსდა ქალაქი კანბერა – ავსტრალიის კავშირის დედაქალაქი.

1936 – შეიქმნა კინოსტუდია „სოიუზმულტფილმი“.

1940 – იტალია შეუერთდა თავის მოკავშირეს – ჰიტლერულ გერმანიას და საფრანგეთსა და დიდ ბრიტანეთს ომი გამოუცხადა.

1940 – ფაშისტურმა გერმანიამ დაამთავრა ნორვეგიის ოკუპაცია.

1943 – უნგრელმა ლასლო ბირომ გამოიგონა ბურთულიანი კალამი. ის ასრულებდა ბრიტანეთის სამეფოს საჰაერო ძალების დაკვეთას. მათ სჭირდებოდათ კალამი, რომელიც დიდ სიმაღლეზე, დაბალი წნევის პირობებში შეძლებდა წერას.

11 ივნისი

1942 – ვაშინგტონში დაიდო ხელშეკრულება საბჭოთა კავშირსა და ამერიკას შორის ურთიერთდახმარებაზე ომის დროს და თანამშრომლობაზე – ომის შემდგომ პერიოდში.

1991 – ფირმა „მაიკროსოფტმა“ გამოუშვა ოპერატიული სისტემა MS DOS 5,0. 

1992 – რუსეთში მიიღეს პრივატიზაციის სახელმწიფო პროგრამა

12 ივნისი

1897 – კარლ ელზენერმა დააპატენტა არმიისთვის დასაკეცი დანა (ეგრეთ წოდებული, შვეიცარიული დანა).

1898 – ფილიპინები გახდა დამოუკიდებელი სახელმწიფო.

1955 – იაკუტიაში აღმოაჩინეს ალმასის საბადოები.

1991 – რუსეთის პირველი პრეზიდენტი გახდა ბორის ელცინი.

13 ივნისი

1494 – ქრისტეფორე კოლუმბმა აღმოაჩინა კუბა.

1859 – რუსეთმა დაასრულა ჩეჩნეთის დაპყრობა.

1944 – დაიწყო ლონდონის დაბომბვა გერმანული რაკეტებით – „ფაუ-1“.

1956 – პარიზში შედგა ჩემპიონთა თასის პირველი ფინალი. თასის მფლობელი გახდა მადრიდის „რეალი“.

1958 – ჩინეთმა აამუშავა თავისი პირველი ატომური რეაქტორი.

14 ივნისი

1777 – ფილადელფიის კონტინენტურმა კონგრესმა დაამტკიცა ამერიკის შეერთებული შტატების დროშა – თეთრი და წითელი ზოლებით და ლურჯ ფონზე თეთრი ვარსკვლავებით.

1841 – თავისი პირველი სხდომა ჩაატარა კანადის პარლამენტმა.

1847 – რობერტ ბუნზენმა გამოიგონა სანათური, რომელშიც შესაძლებელი იყო ალის ზომის რეგულირება.

1940 – ფაშისტური გერმანიის ჯარებმა დაიკავეს პარიზი.

15 ივნისი

1389 – კოსოვოს ბრძოლაში ოსმალეთის არმიამ გაანადგურა ქრისტიანთა (სლავთა და ჯვაროსანთა) გაერთიანებული ლაშქარი და დაიკავა ბალკანეთის ნახევარკუნძული.

1826 – არკანზასი გახდა ამერიკის შეერთებული შტატების 25-ე შტატი.

1844 – ჩარლზ გუდიარმა დააპატენტა ვულკანიზაციის მეთოდი რეზინის შესაკეთებლად.

1940 – საბჭოთა კავშირმა მოახდინა ლიტვის ანექსია.