რადიო “არ დაიდარდო„
10 წლის გახდა
საქართველოში ყველაზე რეიტინგული რადიო იუბილარია, რომელიც დაარსების დღიდან არის რეიტინგის ლიდერი და პოზიცია არც ერთხელ არ დაუთმია. რადიო „არ დაიდარდომ” 10 წლის იუბილე უამრავ სტუმართან ერთად აღნიშნა. რადიოს წამყვანები ეროვნულ სამისში გამოწყობილები ეგებებოდნენ სტუმრებს. გრანდიოზული იუბილე კრწანისის რეზიდენციის კომპლექსში გაიმართა და გვიან ღამემდე გაგრძელდა. იუბილე გამოფენა-გაყიდვით გაიხსნა; მეორე ეტაპს რაც შეეხება, სტუმრებს ქართული კუთხის მონახულებისა და ქართული ტრადიციული კერძების დაგემოვნების საშუალება მიეცათ. ამის მერე გაიმართა კონცერტი, რომელშიც უამრავმა ქართველმა მომღერალმა მიიღო მონაწილეობა. კონცერტის დასასრულს კახაბერმა და ხანუმებმა გაალამაზეს საიუბილეო საღამო ღია ცის ქვეშ, კულმინაცია კი იყო ტორტის საზეიმო გაჭრა და გრანდიოზული ფოიერვერკი.