ანეკდოტები
ჩვენს ქალებს სულაც არ აქვთ მაღალი თვითშეფასება. აბა, აკოცოს ნებისმიერმა უცნობმა მამაკაცმა?! მაშინვე დაიყვირებს: „თქვენ გიჟი ხართ?“, ან – „თქვენ მთვრალი ხართ?!“ სერიოზულად ფიქრობენ, რომ ისინი მხოლოდ გიჟს ან მთვრალს მოეწონებათ...
***
ტიპი ღამით ბარში შევიდა და ლუდი შეუკვეთა. ბარმენმა მოუტანა.
– ერთი თეთრი.
– ასე იაფი? მაშინ, ბიფშტექსი, ხიზილალიანი ბუტერბროდი, კონიაკი, ანანასი...
– ეს ოთხი თეთრი დაგიჯდებათ.
– მე მომწონს! ბარის მფლობელი ვინ არის?
– შეგიძლიათ, გაიცნოთ – ის ზემოთ ჩემს ცოლთან ერთადაა...
– და, იქ, თქვენს ცოლთან ერთად, რას აკეთებს?
– რასაც მე – მის ბიზნესთან...
***
– მართალია, ერთი წუთი სიცილი სიცოცხლეს 5 წუთით ახანგრძლივებსო?
– გააჩნია, ვისზე იცინი – შეიძლება, გაცილებით მეტად შეამციროს...
***
ქალის ისტერიკამდე მიყვანა ნებისმიერ წვრილმანს შეუძლია, მამაკაცის კი – მხოლოდ ქალს.
***
ეძღვნება ყველა გოგონას, რომელიც ამბობს, რომ ყველა ბიჭი ერთნაირია – წესიერი გოგო რომ იყო, ყველა ბიჭი არ გეცოდინება.
***
ორი დაქალი ხვდება ერთმანეთს:
– გოგო, რა უნდა გავაკეთო, კაცი თუ გაცივდა?
– უნდა დამარხო... სხვას რას იზამ?
***
ქორწილის დროს ფიქრობ, რომ მასზე უკეთესი არავინაა, გაყრისას კი ფიქრობ, რომ მასზე უარესი არავინაა, არადა, ორივეჯერ ცდები.
***
– გაზკანტორაა? შვილო, ჩაის ადუღება მინდა... რამდენი ხანია, გაზის ჩამრთველი გადავწიე და არ ინთება...
– ბებო, ასანთი თუ აანთე?
– უი, დამავიწყდა, ახლავე....
***
ჟურნალ „პირსინგის“ ახალგაზრდა კორესპონდენტი ქუჩაში მამაკაცს აჩერებს:
– თუ შეიძლება, მითხარით, უფრო ადვილად რით შეძლებთ ქალის მიზიდვას?
– სხვების არ ვიცი, მაგრამ, თქვენ – მაგნიტით...
***
ზარი. კარს ახალგაზრდა ქალი აღებს.
– მე თქვენი ახალი მეზობელი ვარ, – ეუბნება მამაკაცი.
– ზემოთ თუ ქვემოთ?
– ასე უცბად და პირდაპირ?!.
***
ავტობუსი გაჩერებიდან დაიძრა.
– შემდეგი გაჩერება „5 დეკემბერი“!..
– აუ, ჩემი, რა პრობკაა...
***
– როგორ ვიშოვოთ ფული?
– აიღეთ სკამი, დადეთ მასზე რამე ნომინაციის დოლარი, დააჯექით ზედ, შემდეგ ადექით და აიღეთ ფული... ვარჯიშის აზრი ის არის, რომ ფულის საშოვნელად ტრ...ის განძრევაა საჭირო...
***
– რა გჭირს, ყოველთვის ასე ჩალურჯებული, გაერთიანებული სახით რომ მოდიხარ? – ეკითხება ახალგაზრდა პაციენტს ექიმი.
– მერიდება, მაგრამ, გეტყვით: გათხოვილ ქალებთან დავდივარ და ქმრები მცემენ...
– ერთ რამეს გირჩევ – ჯარში წადი და გეშველება..
კარგა ხნის შემდეგ ექიმი შემთხვევით ხვდება იმ ახალგაზრდას.
– დიდი მადლობა, ექიმო, კარგი რჩევა მომეცით....
– უკვე აღარ დადიხარ ქმრიან ქალებთან?
– როგორ არა, მაგრამ, 45 წამში ჩაცმაც ვისწავლე, ფანჯრიდან ხტომაც და კედლებზე ცოცვაც...