მხოლოდ ფაქტები
* ფრიდრიხ დიდი ძაღლების დიდი მოყვარული იყო. მან საყვარელი ძაღლი, ალკინი, თავისთვის განკუთვნილ სამარხში დააკრძალვინა.
* წითური თმის მოდა ნაპოლეონ მესამის ცოლმა, ევგენიამ შემოიტანა.
* ტბა ლოხნესი 23 მილის სიგრძის კალედონის არხის ყველაზე ცნობილი ნაწილია.
* ამერიკულმა კომპანია „მაგავოკსმა“, რომელიც ტელევიზორების დისტანციური მართვის პულტებს აწარმოებს, შექმნა ახალი პულტი: თუ პულტი სადმე „დაიკარგება“ და ტელევიზორს პირდაპირ პანელით ჩართავ ან გადართავ, პულტი იწყებს „ისტერიულ“ მოძრაობას, სანამ თავისივე ღილაკით არ გამორთავენ.
* კორიდის ძირითად მოძრაობებს „პასები” ჰქვია და გამოიყენება განსაკუთრებით საშიში მოქმედებების დროს. მთავარი პასებია: „ვერონიკა,” „ჩიკელინა” და „დერეჩაზო”.
* ესპანეთში მონათვაჭრობის ცენტრი სევილია იყო.
* ამერიკის შეერთებული შტატების ყველაზე ჩრდილოეთი შტატი ალასკაა, თუმცა, ის შტატი მხოლოდ 1958 წელს გახდა, მანამდე კი უკიდურესი ჩრდილოეთი შტატი მინესოტა იყო.
* აკროპროზა – აკროსტიხის პროზაული ვარიანტია, თუმცა, ამ ხერხს გაცილებით იშვიათად იყენებენ.
* კოვბოები სინამდვილეში ძალიან ცუდი მსროლელები იყვნენ. ტყვიები იმდენად ძვირი ღირდა, რომ მათ არ ჰქონდათ სროლაში დაოსტატების საშუალება.
* ყველა ობობა არ ქსოვს აბლაბუდას და ასე არ ელოდება მსხვერპლს: ობობა-არკანელები მათ „ლასოს“ ესვრიან, ობობა-მიწისმთხრელები – ქსელით ინიღბებიან, ხოლო ობობა-მგლები აბლაბუთით სოროს ქსოვენ.
* გაქცეული ლუდოვიკო მეთექვსმეტე ფოსტის მოხელემ პროფილით იცნო, რომელიც მხოლოდ ფულის მონეტებზე ჰქონდა ნანახი.
* ლეონარდო და ვინჩის მრავალი გაბედული ნოვატორული პროექტი ეკუთვნის, მათ შორისაა საბეჭდი მანქანისა და წყალქვეშა ნავის პროექტები.
* „ბისკვიტი” ფრანგული სიტყვაა და „ორჯერ გამომცხვარს” – ორცხობილას ნიშნავს.
* მოქმედი დროშებიდან ყველაზე ძველი დანიური დროშაა.
* ცნობილი მულტფილმის პერსონაჟების, მიკი და მინი მაუსების გამხმოვანებლებმა – ვეინ ოლვაინმა და რუსი ტეილორმა, 1991 წელს იქორწინეს.