21 აპრილი

ძველი წელთაღრიცხვის 753 – ლეგენდის მიხედვით, ამ დღეს რომულუსმა დააარსა ქალაქი რომი.

1526 – ინდოეთში ბაბურმა დაამარცხა დელის ბოლო სულთანი და დააარსა დიდ-მოგოლთა იმპერია.

1960 – ბრაზილიის დედაქალაქი გახდა ქალაქი ბრაზილია.

1967 – საბერძნეთში სამხედრო გადატრიალების შემდეგ დამყარდა „შავ პოლკოვნიკთა“ დიქტატურა.

1976 – ვალერი ანდრე გახდა პირველი ქალი-გენერალი (საფრანგეთის არმიაში).

22 აპრილი

1370 – პარიზში დაიწყო ბასტილიის ციხის მშენებლობა.

1500 – პორტუგალიელმა ზღვაოსანმა პედრუ კაბრალმა აღმოაჩინა ბრაზილიის სანაპირო.

1838 – თბომავალმა პირველად გადაკვეთა ატლანტის ოკეანე.

1952 – ამერიკის შეერთებულ შტატებში პირდაპირ ეთერში გადაიცა ბირთვული ბომბის საცდელი აფეთქება.

1969 – ჰუისტონში განხორციელდა თვალის გადანერგვის პირველი ოპერაცია.

23 აპრილი

1616 – ამ დღეს ერთდროულად (მაგრამ სხვადასხვა ადგილას) გარდაიცვალა ორი დიდი მწერალი – შექსპირი და სერვანტესი.

1867 – ინგლისის დედოფალმა ვიქტორიამ და საფრანგეთის იმპერატორმა ნაპოლეონ მესამემ უარყვეს ლა-მანშის ფსკერზე გვირაბის გაყვანის პროექტი.

1896 – ნიუ-იორკში ჩატარდა ამერიკაში პირველი კინოსეანსი.

1932 – ლონდონში გაიხსნა შექსპირის თეატრი.

24 აპრილი

1877 – დაიწყო რუსეთ-თურქეთის ომი.

1915 – თურქული არმიის შენაერთებმა მილიონზე მეტი სომეხი გაწყვიტეს – სომხების დიდი გენოციდი.

1967 – საბერძნეთში სამხედრო-დიქტატორულმა ხელისუფლებამ აკრძალა მინი ქვედაბოლოების ტარება. აკრძალვა 1974 წელს გაუქმდა.

1970 – ჩინეთმა კოსმოსში გაუშვა თავისი პირველი ხელოვნური თანამგზავრი. 

25 აპრილი

1792 – პარიზში, გრევის მოედანზე, საზეიმოდ დადგეს ჟოზეფ გიიოტენის გამოგონება – გილიოტინა – „ჰუმანური“ მოწყობილობა სიკვდილის დასჯისთვის. მომდევნო წლებში მას ბევრი ცნობილი ადამიანი ემსხვერპლა.

1859 – ეგვიპტეში დაიწყო სუეცის არხის მშენებლობა. 

1931 – შტუდგარდტში ფერდინანდ პორშემ დააარსა საავტომობილო ქარხანა „პორშე“.

1966 – ძლიერმა მიწისძვრამ დაანგრია ქალაქი ტაშკენტი (უზბეკეთი).

26 აპრილი

1792 – კომპოზიტორმა რუჟე დე ლილმა დაწერა „მარსელიეზა“.

1921 – ლონდონის ქუჩებში გამოჩნდა მოტოციკლებზე ამხედრებული პატრული.

1933 – გერმანიაში დაარსდა საიდუმლო პოლიცია – „გესტაპო“.

1937 – გერმანულმა ავიაციამ მიწასთან გაასწორა ესპანური ქალაქი გერნიკა (ეს მოვლენა უკვდავყო პიკასომ თავის შედევრში – „გერნიკა“).

1986 – ჩერნობილის კატასტროფა.

27 აპრილი

1828 – გაიხსნა ლონდონის ზოოპარკი.

1940 – დაარსდა ოსვენციმის საკონცენტრაციო ბანაკი, სადაც 1944 წლამდე 4 მილიონი ადამიანი დახოცეს.