31 მარტი

1889 – პარიზში ოფიციალურად გაიხსნა ეიფელის კოშკი. 

1901 – გასაყიდად გამოიტანეს „მერსედესის“ მარკის ავტომობილი.

1967 – ჯიმი ჰენდრიქსმა პირველად დაწვა გიტარა თავის კონცერტზე (მას შემდეგ ყოველ კონცერტზე ასე იქცეოდა).

1987 – ლა-მანშის სრუტეში ჩაიძირა ბორანი, რომელზეც იმყოფებოდა 436 მგზავრი, 40 სატვირთო და 80 მსუბუქი ავტომანქანა.

1 აპრილი

1777 – ნიუორლეანელმა ბიზნესმენმა პოლოკმა გამოიგონა დოლარის ნიშანი – $.

1793 – მიწისძვრა მოხდა იაპონიაში, რომლის დროსაც კუნძული უნსენი გაიყო შუაზე, ამოიფრქვა ვულკანი და კუნძული 53 ათასი მოსახლით მთლიანად შთაინთქა ზღვაში.

1915 – ფრანგებმა გამოიგონეს მოწყობილობა, რომლის საშუალებითაც ხდებოდა თვითმფრინავზე დამონტაჟებული ტყვიამფრქვევიდან გასროლა.

1924 – „ლუდის პუტჩის“ ჩავარდნის შემდეგ ხუთი წლით პატიმრობამისჯილმა ადოლფ ჰიტლერმა დაიწყო თავისი წიგნის – „მაინ კამპფის“ წერა, რომელსაც რუდოლფ ჰესს ჰკარნახობდა.

1970 – სახალხო რეფერენდუმის საფუძველზე, აიათოლა ჰომეინმა ირანი გამოაცხადა ისლამურ რესპუბლიკად.

2 აპრილი

1794 – საფრანგეთში შეიქმნა მსოფლიოში პირველი საჰაერო ბურთების ავიაკომპანია, რომელმაც დიდი როლი შეასრულა დაზვერვის საქმეში. 1799 წელს კომპანია დაიხურა.

1868 – გაიმართა უკანასკნელი სახალხო დასჯა: ინგლისში სიკვდილით დასაჯეს მკვლელი ქალი – ფრენსის კიდერი.

1912 – გამოსაცდელად ზღვაში ჩაუშვეს „ტიტანიკი“. გამოცდამ წარმატებით ჩაიარა.

1946 – რუსეთში გაიხსნა პირველი ბირთვული ცენტრი – „არზამას-16“.

3 აპრილი

1881 – მოხდა მიწისძვრა ეგეოსის ზღვაში, კუნძულ სციოზე. დაიღუპა 7 ათასი ადამიანი.

1922 – სტალინი აირჩიეს საკავშირო კომუნისტური პარტიის (ბოლშევიკების) ცენტრალური კომიტეტის გენერალურ მდივნად.

1933 – თვითმფრინავმა პირველად გადაუფრინა ჯომოლუნგმას.

4 აპრილი

1147 – ივანე დოლგორუკმა დააარსა ქალაქი მოსკოვი.

1850 – ლოს-ანჯელესს მიენიჭა ქალაქის წოდება.

1919 – იტალიაში გაიხსნა სამგზავრო სადირიჟაბლო ხაზი – რომი-ნეაპოლი.

1949 – დაარსდა „ნატო.”

5 აპრილი

1753 – დაარსდა ბრიტანეთის მუზეუმი.

1895 – ოსკარ უაილდმა წააგო სასამართლო საქმე მარკიზ კუინსბერისთან, რომელმაც ის ჰომოსექსუალიზმში დაადანაშაულა.

1933 – ჰააგის საერთაშორისო სასამართლომ გრენლანდია დანიის ტერიტორიად ცნო.

6 აპრილი

1453 – თურქმა სულთანმა მუჰამედ მეორემ ალყა შემოარტყა კონსტანტინეპოლს, რომელიც მაისის ბოლოს აიღო კიდეც.

1814 – მოკავშირეების: რუსეთის, ავსტრიის, პრუსიისა და დიდი ბრიტანეთის ჯარები პარიზში შევიდნენ. იმპერატორმა ნაპოლეონ პირველმა უარი თქვა ტახტზე.

1896 – ათენში დაიწყო პირველი თანამედროვე ოლიმპიური თამაშები.

1909 – ამერიკელმა რობერტ პირიმ პირველმა მიაღწია ჩრდილოეთ პოლუსს.