ცეზარე ბორჯია – რომის პაპი. სიკვდილის წინ თქვა: „მე ჩემი ცხოვრების გზაზე ყველაფერზე ვიზრუნე, გარდა სიკვდილისა, ახლა კი ვკვდები, სიკვდილისთვის სრულიად მოუმზადებელი“.

ჰორაციო ნელსონი – ინგლისელი ადმირალი. ტრაფალგარის ბრძოლაში სასიკვდილოდ დაიჭრა. მისი უკანასკნელი სიტყვები იყო. „და ბოლოს მეც მომკლეს“.

ოქტავიანე ავგუსტუსი – რომის იმპერატორი. სიკვდილის წინ მიმართა გარშემო მყოფთ: „ბატონებო, ვგონებ, რომ კარგად ვითამაშე ჩემი როლი ადამიანურ კომედიაში“.

იულიუს კეისარი (ცეზარი) – ძველი რომის უდიდესი მოღვაწე. შეთქმულებმა იგი მოკლეს სენატში, რომელთა შორის იყო მისთვის სანდო პიროვნება ბრუტუსი, ამიტომ იულიუსმა მას უთხრა: „და შენც, შვილო ბრუტუს“. ამის შემდეგ ტოგა წაიფარა თავზე და მას 22 ჭრილობა მიაყენეს.

ქსერქსე – სპარსეთის მრისხანე მბრძანებელი, რომელმაც დაანგრია ბაბილონი და საბერძნეთის არაერთი ქალაქი, თავშეუკავებელმა სიცილმა მოკლა.

ნაპოლეონ ბონაპარტე (მეორე) – დიდი ნაპოლეონ ბონაპარტეს შვილი, გარდაიცვალა ძალიან ახალგაზრდა, 21 წლის – 1832 წელს. მან საკუთარი ცხოვრება მამის ცხოვრებას შეადარა და შედეგით უკმაყოფილომ ამოიკვნესა: „დაბადება და სიკვდილი, აი მთელი ჩემი ისტორია“.