გოეთე: უფრო ადვილია მცდარობის გაგება, ვიდრე ჭეშმარიტების აღმოჩენა: პირველი ზედაპირზეა და მას ადვილად დაძლევ, მეორე კი ღრმადაა ჩამალული და მისი გამოკვლევა ყველასთვის არაა მისაწვდომი.

ნეტარი ავგუსტინე: ჩვენ იმისთვის კი არ ვლოცულობთ, რომ ღმერთს ვუთხრათ, თუ რა უნდა გაგვიკეთოს, არამედ, იმისთვის, რომ ღმერთმა გვითხრას, თუ რა უნდა გავაკეთოთ ჩვენ.

სტენდალი: ეცადო, დარჩე, როგორიც ხარ – წარმატების ერთადერთი საშუალებაა.

პასკალი: თუ ჭეშმარიტება დაფარულია, საერთო და საყოველთაო ცთომა სასარგებლოა კაცისთვის, როცა საქმე ეხება რაღაც აუხსნელსა და გონებამიუწვდომელს. კაცის უმთავრესი სნეულება – ესაა მისი დაუოკებელი ცნობისწადილი ყოველივე იმის მიმართ, რისი შეცნობაც მის ძალ-ღონეს აღემატება. ამიტომ ყოველთვის უმჯობესია ცთომა, ვიდრე დაუცხრომელი ცნობისწადილის – ამ ფუჭი და უნაყოფო გრძნობის ტყვეობაში ყოფნა.

შვებელი: ბევრი ადამიანი საკუთარ წარმატებებს სხვათა სიბრიყვეს უნდა უმადლოდეს.

შპენგლერი: მაშინ, როცა ჭეშმარიტების სამყაროში ყველაფერს მტკიცებულებები წყვეტს, ფაქტების სამყაროში გადამწყვეტ როლს წარმატება თამაშობს.

სვიფტი: ჭკუა სამართებელს ჰგავს: გალესილი სხვებს აყენებს ჭრილობას, ბლაგვი კი – საკუთარ პატრონს.

გერცენი: ჭეშმარიტებისადმი პატივისცემა სიბრძნის დასაწყისია.

გრიგოლ ღვთისმეტყველი: ილაპარაკე, თუკი მდუმარებაზე უმჯობესი იცი და სათქმელი გაქვს, მაგრამ გიყვარდეს დუმილი, როცა ის თქმას სჯობს.

ლაბრიუერი: ჭეშმარიტად მხოლოდ პირველად გვიყვარს, შემდგომში არცთუ ისე ვკარგავთ თავს.

ვიტგენშტეინი: ჩვენი სიტყვები ჩვენი შემდგომი მოქმედებებიდან იძენენ აზრს.

ფრანკლინი: ფულის ფლობის ძირითადი უპირატესობა მისი მოხმარების საშუალებაში მდგომარეობს.

ლოიდი: ფულისადმი ზიზღი არცთუ იშვიათად გვხვდება, ძირითადად ეს გრძნობა იმათშია, ვისაც ის არ გააჩნია.

რუსო: ყალბი ადამიანების მეგობრად ყოლა უფრო საშიშია, ვიდრე მტრად.

ჰოპერი: არავის აწყენინებს ის, ვინც თავისი უფლებებით სარგებლობს.

ვინდელბანდი: უმრავლესობის უფლება – ეს ძლიერის უფლებაა და არ აქვს ზნეობრივი საფუძველი.

მონტესკიე: უსაქმურობა ყველა ნაკლზე მეტად ვაჟკაცობას ასუსტებს.

შექსპირი: დიდ უბედურებას ნაკლები უბედურება კურნავს.

მაკციუსი: ადვილია ბრძენობა მათთვის, ვინც სხვისი უბედურებით დაჭკვიანდა.

გიტრი: ქალის სილამაზე მისი სიმდიდრეა, სიმდიდრე კი – მამაკაცის სილამაზე.

ლაკლო: ქალს შეიძლება ის გააკეთებინო, რაც თავად უნდა, ხოლო, რაც შენ გინდა, უმეტესად არ გამოგივა.