საჯარო სამართლის იურიდიული პირი, შოთა მესხიას ზუგდიდის სახელმწიფო სასწავლო უნივერსიტეტი, სამეგრელო-ზემო სვანეთის რეგიონში ერთადერთი სახელმწიფო უმაღლესი საგანმანათლებლო დაწესებულება მაღალკვალიფიციური ადამიანური რესურსით,  ევროპის საგანმანათლებლო დაწესებულებებთან, დამსაქმებლებთან და ასოციაციებთან კონტაქტებით ტრადიციულად ქმნის ხარისხს, შესაბამისად, მუდმივად სრულყოფს საერთაშორისო სტანდარტების შესაბამის სასწავლო-საგანმანათლებლო სივრცეს,  საინტერესო სტუდენტურ ცხოვრებას, სოციალურ პროექტებს.

გრძელდება და ძლიერდება  პარტნიორული ურთიერთობები TEMPUS-ის ორი  პროგრამის ფარგლებში, რაც უნივერსიტეტის შესაძლებლობების გაძლიერების გარანტია  ევროპული გამოცდილებების მაგალითზე. უნივერსიტეტმა 2013 წელს ერთი,  ხოლო 2014 წელს ოთხი  ERASMUS MUNDUS-ის  საერთაშორისო გაცვლითი  პროგრამა მოიპოვა, რითაც გახდა ევროპული საგანმანათლებლო სივრცის სრულუფლებიანი წევრი. დღეს სასწავლო უნივერსიტეტი  პროფესორთა და სტუდენტთა გაცვლითი პროგრამების ფარგლებში (ERASMUS MUNDUS)   თანამშრომლობს უცხოეთის 25  უნივერსიტეტთან. 

2014 წლის 1-4 ოქტომბერს შოთა მესხიას ზუგდიდის სახელმწიფო სასწავლო უნივერსიტეტი უმასპინძლებს  მსოფლიო ფოლკლორისტთა საერთაშორისო სამეცნიერო კონფერენციას,  რომელშიც მონაწილეობას მიიღებს მსოფლიოს 17 ქვეყნის 59 მეცნიერი.