* დუგლას ფერბექსმა დარტანიანის როლი რომ შეესრულებინა, ულვაში მოუშვა. სწორედ მაშინ განაცხადა ვუდი ალენმა, რომ 1944 წელს გერინგმაც მოუშვა ულვაში, რამაც ხელი შეუწყო ხმების გავრცელებას, თითქოს ის მალე ჰიტლერს შეცვლიდა.

* 2004 წელს გვინეა ბისაუს ნაპირებთან მეზღვაურებმა კოკაინით სავსე უამრავი ტომარა „დაიჭირეს“. რადგან ადგილობრივმა მცხოვრებლებმა არ იცოდნენ შიგთავსი – ეს უცნაური თეთრი ფხვნილი რა იყო, სხვადასხვა მიზნისთვის გამოიყენეს, მათ შორის, საფეხბურთო მინდვრის დასახაზადაც.

* ჩინურ ენაში სიტყვები ღამურა და ბედნიერება ომონიმებია.

* პირველი მსოფლიო ომის დროს ამერიკის შეერთებული შტატების 42-ე დივიზიას, რომელიც სხვადასხვა შტატის სამხედრო დანაყოფებისგან შედგებოდა „ცისარტყელა“ ერქვა, მათი მუნდირების სხვადასხვა ფერის გამო.

* 1670 წელს მეფე ლუდოვიკო მეთოთხმეტის გადაწყვეტილებით პარიზში ააგეს ინვალიდთა სახლი დასახიჩრებული და მოხუცი ჯარისკაცებისთვის.

* ცნობილია, რომ მხატვარი მიხაილ ვრუბელი ფსიქიატრიულ საავადმყოფოში ყოფნის დროს ზეპირად წარმოთქვამდა ციტატებს „ჰამლეტიდან“ – ინგლისურად, „ილიადადან“ – ბერძნულად  და „ფაუსტიდან“ – გერმანულად.

* ირანში, ქალაქ ისპაჰანში დამზადებულ უკრაინულ თვითმფრინავს „ან-140-ს“  ორი ასო დაუმატეს და დაარქვეს „ირან-140“.

* ყაზახი მომთაბარეები ჩრდილოეთის პოლარულ ვარსკვლავს დედამიწის ღერძად მიიჩნევდნენ.

* მხედველობის დეფექტის მქონე ადამიანებისთვის პირველი შრიფტი – რელიეფურ-ხაზური ვალენტინ ჰაიუიმ შექმნა. რელიეფურ-წერტილოვანი შრიფტის შემქმნელი კი ბრალი, მისი მოსწავლე იყო.

* მექსიკელები კაქტუსის ეკლის ამოსაღებად კანზე ისხამენ ცხელ ცვილს. გაცივებულ ცვილთან ერთად ეკალი იოლად ამოაქვთ სხეულიდან.

* ნაირობში, კენიის რკინიგზის ეროვნულ მუზეუმში, ინახება ლომის ბრჭყალები – კენიაში რკინიგზის მშენებლობის დროს უჩვეულოდ ბევრი ადამიანი შეიწირეს ლომებმა, მათ შორის მეფისნაცვალი სერ რაიალი.