კითხვა: დავიბადე 1989 წლის 28 ოქტომბერს, ღამის საათებში. მინდა სწავლის გაგრძელება უცხოეთში. იქნებ მირჩიოთ, რომელი ქვეყანაა ჩემთვის მეტად მისაღები?

პასუხი: თუ არ გამოიჩენთ გაორმაგებულ შრომისუნარიანობას, ნებისყოფას, ძალისხმევასა და შეუპოვრობას, ისე წარმატებას ვერ მიაღწევთ. თუ დაგეგმილი გაქვთ უცხოეთში წასვლა, თქვენთვის მისაღები ქვეყნებია: ინგლისი, დანია, ვენესუელა, შვედეთი, ყაზახეთი, ვიეტნამი, ლაოსი, სინგაპური, მალაიზია, ჩინეთის აღმოსავლეთი მხარე, ბრაზილია, ინდოეთი, ირლანდია, ფილიპინები, ტაილანდი, ახალი ზელანდია, კორეა, ფინეთი, კუნძული შრი-ლანკა, ურუგვაი, პაკისტანი, კუნძული მალტა.

კითხვა: ჩემი შვილი დაიბადა 1990 წლის 26 თებერვალს. რომელი პროფესიებია მისთვის წარმატების მომტანი და გაუმართლებს თუ არა უცხო ქვეყანაში? ასევე, რომელი ქვეყნებია მისთვის მეტად მისაღები?

პასუხი: უცხოეთი მისთვის საშუალოა, ანუ, არც კარგია და არც ცუდი. ამიტომ, ყველაფერი, რაც უკავშირდება იქ გამგზავრებას, არ არის გამორიცხული, რომ ბარიერები შეუქმნას. პროფესიებიდან კარგია: პოეზია, ლიტერატურა, ხელოვნება, საქველმოქმედო საქმე, ფსიქოლოგია, ფილოსოფია, საკურორტო ინდუსტრია, საიუველირო ბიზნესი ან შემოქმედება, დეკორატიული მებაღეობა, საარქივო-სამუზეუმო, ასევე, საბიბლიოთეკო საქმე, არქიტექტურა, დიზაინი, მშენებლობა, საბანკო, ეკონომიკური კომერციული, სავაჭრო, საფინანსო საქმიანობა; უცხოეთის ქვეყნებიდან კი მეტად მისაღებია: უკრაინა, ბელორუსია, კვიპროსი, პოლონეთი, შვეიცარიის აღმოსავლეთი ნაწილი, მოლდოვა, ბელგია, არგენტინა, ფინეთი, ლიტვა, ისრაელი, ბულგარეთი, კუნძული შრი-ლანკა, ინდოეთი, ბრაზილია, პორტუგალია, ვიეტნამი, ფილიპინები, ტაილანდი, სამხრეთ კორეა, კუნძული მალტა.

კითხვა: დავიბადე 1991 წლის 16 ნოემბერს, ღამის 2 საათზე; ჩემი რჩეული კი – 1992 წლის 22 თებერვალს. მაინტერესებს, როგორი ურთიერთობა გვექნება მომავალში და შევეწყობით თუ არა ერთმანეთს ოჯახური თანაცხოვრების პერიოდში?

პასუხი: თქვენ შორის ურთიერთობა შეიძლება იყოს კარგი, რადგან, ინტუიცია, მგრძნობელობა, ტრადიციების მიმართ დამოკიდებულება საერთო გაქვთ, ეს კი თქვენს მომავალ ჰარმონიულ ოჯახურ ურთიერთობას განაპირობებს.

კითხვა: ჩემი ძმა დაიბადა 1996 წლის 21 სექტემბერს, დაახლოებით შუადღეს. რომელი პროფესიაა ასტროლოგიური კუთხით მისთვის მეტად მისაღები?

პასუხი: პროფესიებიდან მისთვის წარმატებების მომტანია: საბანკო, ეკონომიკური, კომერციული, სავაჭრო, საფინანსო საქმიანობა, სამართალდამცავი ორგანოები, სამხედრო სტრუქტურები, საგამოძიებო სფერო; მედიცინიდან – სასწრაფო დახმარება, რეანიმატოლოგია, ქირურგია, გინეკოლოგია, ფსიქიატრია, არატრადიციული მედიცინა; მაკონტროლებელი ორგანოები, კერძოდ, კონტროლის პალატა, საგადასახადო ინსპექცია, საბაჟო, სადაზღვევო კომპანიები და დეპარტამენტები; პედაგოგიური საქმიანობა, რელიგია, ფილოსოფია, ფსიქოლოგია, ასტროლოგია, საავიაციო ბიზნესი ან შემოქმედება, მთარგმნელობითი საქმე, ტურისტული ორგანიზაციები, პროფესიული დიპლომატია საელჩოებისა და საკონსულოების დონეზე, ჟურნალისტიკა, რადიო, ტელევიზია, პრესა, სარეკლამო და საგამომცემლო ინდუსტრია.