კატალოგი
პოლიტიკა
ინტერვიუები
ამბები
საზოგადოება
მოდი, ვილაპარაკოთ
მოდა + დიზაინი
რელიგია
მედიცინა
სპორტი
კადრს მიღმა
კულინარია
ავტორჩევები
ბელადები
ბიზნესსიახლეები
გვარები
თემიდას სასწორი
იუმორი
კალეიდოსკოპი
ჰოროსკოპი და შეუცნობელი
კრიმინალი
რომანი და დეტექტივი
სახალისო ამბები
შოუბიზნესი
დაიჯესტი
ქალი და მამაკაცი
ისტორია
სხვადასხვა
ანონსი
არქივი
მაისი 2020 (150)
აპრილი 2020 (194)
მარტი 2020 (197)
თებერვალი 2020 (203)
იანვარი 2020 (194)
დეკემბერი 2019 (257)

ექიმის რჩევები

კითხვა: რა დაავადებების დროს არის მიზანშეწონილი წურბელებით მკურნალობა?

პასუხი: მკურნალობის ეს უძველესი მეთოდი ეფექტურია შემდეგი დაავადებების დროს: ჰიპერტონული დაავადება, ინსულტი, ვენების ვარიკოზული გაგანიერება, ტრომბოფლებიტი, ტროფიკული წყლული, ბუასილი, გულის კორონარული დაავადება – სტენოკარდია, ინფარქტი; მენსტრუალური ციკლის დარღვევები, უშვილობა; სტომატოლოგიაში: პარადონტოზი, გინგივიტი; გლაუკომა; ოსტეოქონდროზი, ხერხემლის თიაქარი.

კითხვა: ვიცავ დიეტას: ფაფები, ზოგჯერ რძიანი, ტყუილი სუპები, მოხარშული ხორცი ან ქათამი, ბევრი ვაშლი და ბოსტნეული. თავს კარგად ვგრძნობ, მაგრამ, მაინტერესებს, რამე დაავადებაზე ხომ არ მიუთითებს განავლის ყვითელი ან მუქი ყვითელი ფერი?

პასუხი: თქვენს შემთხვევაში ეს ნორმაა, რაც განპირობებულია რაციონში არსებული დიდი რაოდენობის ხილით, ბოსტნეულითა და რძის პროდუქტებით.

კითხვა: მაინტერესებს, მოქმედებს თუ არა ანტიბიოტიკის მიღება B ჰეპატიტზე აღებული ანალიზის პასუხზე?

პასუხი: ანტიბიოტიკის მიღება არ ახდენს გავლენას ჰეპატიტების სადიაგნოსტიკო ანალიზების დასკვნებზე.

კითხვა: 15 წლის გოგონას 9 წლის ასაკში დაუსვეს ფსორიაზის დიაგნოზი. წლებია, ყველანაირ მკურნალობას ვუტარებთ, მაგრამ, არაეფექტურად. იქნებ რამე გვირჩიოთ?

პასუხი: სამწუხაროდ, ფსორიაზი ქრონიკული დაავადებაა და განკურნება არარეალურია, მაგრამ, რემისიის მიღწევა შესაძლებელია. ხშირად ფსორიაზის მიმდინარეობას ამძიმებს სხვა დაავადებები: შინაგან ორგანოთა, ჰორმონული პათოლოგიები...

კითხვა: ჩემს ბიჭს გულის მარცხენა პარკუჭში აღმოაჩნდა დამატებითი ტრაბეკულა. გვითხრეს, მემკვიდრეობითიაო, მაგრამ, არც მშობლებს და არც ნათესავებს მსგავსი რამ არ ჰქონიათ. ნამდვილად მხოლოდ მემკვიდრეობითია?

პასუხი: დიახ, გულის ანატომიური თავისებურებები ძირითადად განპირობებულია მემკვიდრეობითი განწყობით; ასევე, დამატებითი ქორდებისა და ტრაბეკულების ჩამოყალიბებაზე ახდენს გავლენას ორსულობის პერიოდში დედის კვების რაციონში მაგნიუმის დეფიციტი.

კითხვა: მყავს 10 თვის ბიჭი, რომელიც 12 კილოგრამს იწონის და უჭირს ფეხზე დგომა: ხელს რომ ვუშვებ, იქცევა, ხოლო, რამეს თუ მოეჭიდა, ცოტა ხანს დგას და მალევე უნდება დაჯდომა, ეს მდგომარეობა საშიშია?

პასუხი: ბავშვი ცხრიდან თორმეტ თვემდე სწავლობს დამოუკიდებლად, საყრდენის გარეშე დგომას, სიარულს, ჩაცუცქვას, ასე რომ, სანერვიულო არაფერია. იმედია, ბავშვის განვითარებას მეთვალყურეობს პედიატრი.

კითხვა: ვარჯიშის ან გახურების დროს მტკივდება ხელები მაჯების სახსრებში, შიგნიდან მიწყებს ტკივილს და მგონია რომ ძვალი მტკივა, რაც დაახლოებით 40 წუთში მივლის. რას მირჩევთ? 

პასუხი: ზუსტ მიზეზს გამოკვლევის გარეშე ვერ გეტყვით, შესაძლოა სხივ-მაჯის სახსრის იოგოვანი აპარატის დატვირთვას, გადაძაბვას აქვს ადგილი. კიდური უნდა ამყოფოთ მოსვენებულ მდგომარეობაში 2 კვირა მაინც, ადგილობრივად დილით და საღამოთი გამოიყენეთ არასტეროიდული ანთების საწინააღმდეგო რომელიმე მალამო (შერჩევაში ფარმაცევტები დაგეხმარებიან), შემდეგ ნელ-ნელა გაზარდეთ დატვირთვა. თუ ტკივილი მაინც შემაწუხებელი იქნა, პირველ ყოვლისა, ორთოპედ-ტრავმატოლოგს უნდა მიმართოთ; მდგომარეობიდან გამომდინარე, შესაძლოა, საჭირო იყოს ექიმ-რევმატოლოგის კონსულტაცია.

 

 

скачать dle 11.3