გრიგოლ ქსოვრელის დისკის პრეზენტაცია საჯარო ბიბლიოთეკაში

 26 სექტემბერს, საქართველოს ეროვნული საჯარო ბიბლიოთეკის საგამოფენო დარბაზში, გაიმართა საქართველოს დამსახურებული არტისტის, მედუდუკე გრიგოლ ქსოვრელის დისკის პრეზენტაცია. დისკი „სანოსტუდიაში“ ჩაიწერა. ალბომში შესულია ძველი თბილისელების საყვარელი და კოლორიტული ანსამბლის – „სოინარის“ აღდგენილი ჩანაწერები. 

ანსამბლი „სოინარი“ გრიგოლ, იგივე გრიშა ქსოვრელმა დააარსა, მუსიკოსის გარდაცვალების შემდეგ კი, ანსამბლს, მისი დამაარსებლისა და პედაგოგის პატივსაცემად, „ქსოვრელები“ ეწოდა.

ღონისძიებას ესწრებოდნენ და მონაწილეობას იღებდნენ ცნობილი სახეები: ნიკუშა შენგელაია, მურმან ჯინორია, მარინა საღარაძე, ვაჟა აზარაშვილი და სხვები. საღამო მიჰყავდა, გრიგოლ ქსოვრელის შვილიშვილს, ცნობილ მსახიობს, ნინო მუმლაძეს.