10 თებერვალი

1258 – მონღოლთა ჯარებმა, ქართველთა წინამძღოლობით (დავით ულუს მეთაურობით) აიღეს ქალაქი ბაღდადი. გაუქმდა არაბთა სახალიფო.

1635 – დაარსდა საფრანგეთის მეცნიერებათა აკადემია.

11 თებერვალი

ჩვენს წელთაღრიცხვამდე 660 – ლეგენდის მიხედვით, ამ დღეს პირველმა იმპერატორმა ჩიმუმ დააარსა იაპონიის სახელმწიფო.

1809 – რობერტ ფულტონმა დააპატენტა თბომავალი.

1922 – კანადელმა ქიმიკოსმა ფრედერიკ ბანტინგმა აღმოაჩინა ინსულინი.

1970 – იაპონია მეოთხე ქვეყანა გახდა, რომელმაც ხელოვნური თანამგზავრი გაუშვა კოსმოსში.

12 თებერვალი

1561 – დაარსდა ქალაქი სანტიაგო – ჩილეს დედაქალაქი.

1955 – მიიღეს ბაიკონურის კოსმოდრომის მშენებლობის გადაწყვეტილება.

13 თებერვალი

1668 – ესპანეთმა ცნო პორტუგალიის დამოუკიდებლობა, რომელიც მას 1640 წელს გამოეყო.

1917 – ინგლისის პარლამენტმა ქალებს უფლება მისცა, ტაქსის მძღოლებად დაეწყოთ მუშაობა.

1960 – საფრანგეთმა გამოსცადა თავისი პირველი ატომური ბომბი.

1975 – კვიპროსი გაიყო ორ – ბერძნულ და თურქულ ნაწილებად.

14 თებერვალი

1918 – ყოფილ რუსეთის იმპერიაში შემავალი ქვეყნები გადავიდნენ „ახალ სტილზე“ – 31 იანვრის შემდეგ დადგა პირდაპირ 14 თებერვალი.

1956 – გაიხსნა სკკპ მეოცე ყრილობა, სადაც ხრუშჩოვმა დაგმო სტალინის „პიროვნების კულტი“.

1984 – ამ დღეს ელტონ ჯონმა იქორწინა ქალზე – რენეტა ბაუელზე ისინი ერთმანეთს დაშორდნენ 1988 წელს.

15 თებერვალი

1113 – რომის პაპმა აკურთხა პირველი რაინდული ორდენი  (წმიდა იოანეს სახელობის ჰოსპიტალიერთა ორდენი, რომელიც უფრო ცნობილი იყო მალტის ორდენის სახელწოდებით).

1925 – ლონდონის ზოოპარკში ცხოველებისთვის დაამონტაჟეს ელექტროგანათება, რათა „გაეუმჯობესებინათ მათი განწყობილება ხშირი ნისლების დროს“.

1947 – საბჭოთა კავშირის მთავრობის პირდაპირი განკარგულებით აიკრძალა ქორწინება საბჭოთა მოქალაქესა და უცხოელს შორის.

1965 – კანადის პარლამენტმა დაამტკიცა ქვეყნის ახალი დროშა (ნეკერჩხლის ფოთოლი).

1989 – დასრულდა საბჭოთა ჯარების გამოყვანა ავღანეთიდან.

16 თებერვალი

1923 – ეგვიპტეში ჰოვარდ კარტერის არქეოლოგიურმა ექსპედიციამ აღმოაჩინა ტუტანჰამონის აკლდამის შესასვლელი (მის გათხრას ერთი წელი დასჭირდა).

1937 – ამერიკელმა ქიმიკოსმა უოლეს ჰიუმ კაროზესმა დააპატენტა ნეილონი.

1968 – ქალაქ ჰეილვილში (ალაბამა) გაიხსნა პირველი სასწრაფო მაშველთა სამსახური – 911.