კატალოგი
პოლიტიკა
ინტერვიუები
ამბები
საზოგადოება
მოდი, ვილაპარაკოთ
მოდა + დიზაინი
რელიგია
მედიცინა
სპორტი
კადრს მიღმა
კულინარია
ავტორჩევები
ბელადები
ბიზნესსიახლეები
გვარები
თემიდას სასწორი
იუმორი
კალეიდოსკოპი
ჰოროსკოპი და შეუცნობელი
კრიმინალი
რომანი და დეტექტივი
სახალისო ამბები
შოუბიზნესი
დაიჯესტი
ქალი და მამაკაცი
ისტორია
სხვადასხვა
ანონსი
არქივი
ოქტომბერი 2019 (100)
სექტემბერი 2019 (197)
აგვისტო 2019 (236)
ივლისი 2019 (209)
ივნისი 2019 (208)
მაისი 2019 (254)

ცნობილ ადამიანთა ენამახვილური გამონათქვამები

ერთხელ გრიგოლ დადიანმა მოიწვია სადილად აკაკი და სხვათა შორის, თავის მამულის ღვინო „კოლოში“ დაალევინა და ჰკითხა: როგორ მოგწონს ეს „კოლოშიო“?

– ახლა, კახური მირჩევნია, მაგრამ ზამთარში კი კალოში სჯობიაო, – უპასუხა პოეტმა.

***

ერთმა მელოტმა თქვა:

– ერთ ლამაზ ქალს წიგნი მივწერე, ისე შეგინახავ, როგორც ჩემს თავს-მეთქი. მაგრამ, წარმოიდგინეთ, მაინც უარი შემომითვალა.

– სწორედ მაგ მიწერით დაგიფრთხია: რა სასიამოვნოა, მუდამ შიშვლად და ცარიელად დარჩენაო? – მიუგო აკაკიმ.

***

აკაკი დალაქთან შევიდა თავის გასაკრეჭად. დალაქი ერთ მელოტს თავს დასტრიალებდა და ორი აბაზი გამოართვა. აკაკიმ ქუდი დაიხურა და გარეთ გამოსვლა დააპირა.

– სად მიბრძანდებით, ბატონო, – შეეკითხა დალაქი.

– თუ მელოტს ორი აბაზი გამოართვი, მე მთელი საცხოვრებელი უნდა მოგცე ჩემი თმის გაკრეჭვაშიო, – უპასუხა დიდთმიანმა პოეტმა.

***

ნოდარ დუმბაძემ რამდენჯერმე გადაიტანა ინფარქტი, მაგრამ ვერც სულიერი და ვერც ხორციელი ტკივილი ვერ უკარგავდა ღიმილის უნარს. მეორე ინფარქტის შემდეგ, როცა რეანიმაციიდან გამოჰყავდათ, მნახველებისთვის გადაუხედია და უთქვამს: ბაღნებო, ხომ დავშალე ერთი დამკრძალავი კომისიაო!

***

ერთხელ ნიაზ დიასამიძემ თავისი მეგობრის, ალეკო ტატიშვილის დედას დაურეკა:

– „ატეესიდან“ გაწუხებთ, სარეაბილიტაციო სამუშაოებს ვატარებთ, ძაბვა მოიმატებს და ტელეფონები რომ არ გადაგეწვათ, სანამ მოვრჩებით, აპარატები წყლიან ვედროში ჩადეთო…

скачать dle 11.3