ამ დიეტის სრული სახით ჩატარება რეკომენდებულია ნახევარ წელიწადში ერთხელ. დიეტის დაწყებამდე კონსულტაცია გაიარეთ თქვენს მკურნალ ექიმთან.

პირველი 4 დღე

მიყოლებით 4 დღე უხვად მიიღეთ: ნედლი ბოსტნეულის სალათები, დღეში 3 ჩაის კოვზ მცენარეულ ზეთთან ერთად; უმი ხილი ან ჩირი (ჩირი წინასწარ ჩაალბეთ თბილ, ანადუღარ წყალში); სვით მწვანე ჩაი და სამკურნალო მცენარეთა ნაყენები.

მეხუთე დღეს რაციონში დაუმატეთ 1 ნაჭერი შავი პურის ორცხობილა.

მეექვსე დღეს, სადილზე, ნედლ ბოსტნეულთან ერთად მიიღეთ კანიანად მოხარშული 3 ცალი კარტოფილი (ცხადია, ჭამის წინ კანიმ უნდა გააცალოთ), მარილის გარეშე.

მეშვიდე დღეს ამ ყველაფერს დაუმატეთ 2 ნაჭერი შავი პურის ორცხობილა და ნახევარი ლიტრი უცხიმო მაწონი.

მერვე და მეცხრე დღეს რაციონი შეავსეთ თითო ცალი თოხლოდ მოხარშული კვერცხით.

მეათედან მეთოთხმეტე დღის ჩათვლით, რაციონს დაუმატეთ 1 ჩაის კოვზი კარაქი, 2 სადილის კოვზი ხაჭო და 1 ჩაის კოვზი მცენარეული ზეთი.

მეთხუთმეტე დღეს დაუმატეთ 100 გრამი მოხარშული უცხიმო ხორცი (საქონლის, ქათმის ან ინდაურის).

მეთექვსმეტე დღიდან, 3 დღის განმავლობაში, ნელ-ნელა გადადით ჩვეულებრივ კვებაზე, მაგრამ, ზედმეტი არ მოგივიდეთ, რადგან, შესაძლოა, კუჭი გადაიტვირთოს და დისკომფორტი შეგექმნათ.

საერთოდ, დიეტის დასრულების შემდეგ, უმჯობესია, სვათ ახალგამოწურული ხილისა და ბოსტნეულის წვენები, ოღონდ, გააზავეთ წყალში, პროპორციით: 2 ან 3 წილი წვენი და 1 წილი წყალი.

კარგი იქნება, თუ ამ დიეტის პირველი 4 დღის კვების რეჟიმს თვეში 2-3-ჯერ გაიმეორებთ, ოღონდ, 2-2 დღის ხანგრძლივობით.