* chess boxing – ეს არის სპორტის სახეობა, რომელშიც შერწყმულია ჭადრაკი და კრივი. სხვათა შორის, 2010-2011 წლების მსოფლიო ჩემპიონატი ბაქოში ჩატარდა. მის ლოგოზე განთავსებულია კრივის ხელთათმანის სტილიზებური ნახატი და ჭადრაკის ფიგურა, რომელიც ბაქოს სიმბოლოს – ქალწულის კოშკს გამოსახავს.

* ეგვიპტელები წითელ ზღვას ლაჟვარდოვან ზღვას ეძახდნენ.

* სიტყვა „ჩარტი“ ინგლისურად ცხრილს, ჩამონათვალს, სიას ნიშნავს და გამოიყენება ჯაზის, როკ-მუსიკისა და პოპ-მუსიკის წარმომადგენელთა პოპულარობის გამოსახატავად. საბჭოთა კავშირის პერიოდში სიტყვა „ჩარტის“ ნაცვლად „ჰიტ-პარადი“ გამოიყენებოდა.

* საბჭოთა კავშირის დროს ფილმები სოფლებში მიჰქონდათ და სეანსის საყურებლად გლეხები ბილეთებს „ნატურით“ ყიდულობდნენ. სწორედ მაშინ ხშირად გამოიყენებოდა ცნობილი გამოთქმა „პური და სანახაობა“, ოღონდ შეცვლილი ფორმით – „სანახაობა პურით“.

* მეორე მსოფლიო ომის შემდეგ ამერიკელებმა გადარჩენილი „ლენდ-ლიზოვის“ მანქანები დაიბრუნეს. საბჭოთა კავშირში აღადგინეს, შეაკეთეს მანქანები და ძალიან გაოცებული დარჩნენ, როცა, ამერიკელებმა, ხომალდზე რომ მეტი დატეულიყო, მანქანები დაპრესეს.

* 2007 წლიდან ევროკავშირის ქვეყნებში აკრძალულია ვერცხლისწყლის სინდიყიანი ბარომეტრების, თერმომეტრებისა და წნევის საზომი აპარატების გაყიდვა.

*1960-იან წლებში გრანდიოზული სკანდალი გამოიწვია გაზეთ Evening Standard-ში გამოქვეყნებული ინტერვიუდან ჯონ ლენონის ფრაზამ: „დღეს ჩვენ, „ბითლზები“, გაცილებით პოპულარული ვართ, ვიდრე იესო ქრისტე“.

* კოტ დივუარის, ბოტსვანისა და კონგოს რესპუბლიკების გერბებზე გამოსახულია სპილოს ეშვები.