ქათმის მკერდი სოკოთი
საჭირო ინგრედიენტები: 2 მოზრდილი ნაჭერი ქათმის ფილე, ორი ცალი მოზრდილი ქამა სოკო, 1 თავი ხახვი, 2 კვერცხი, ცოტა უცხო სუნელი, 1 კბილი ნიორი, ორცხობილას ფხვნილი, ცოტა ფქვილი, ზეითუნის ზეთი, მარილი, შავი პილპილი.
გარნირისთვის: 400 გრამი კარტოფილი, 300 გრამი სოკო.
მომზადების წესი: ძალიან წვრილად დაჭერით ხახვი და სოკო. მოშუშეთ ეს ყველაფერი ზეთში სუნელთან ერთად, ძლიერ ცეცხლზე. უყავით მარილი და შავი პილპილი. გადმოდგით და გააცივეთ.
ქათმის ფილეს ორივე ნაჭერში გააკეთეთ ჩანაჭერი, ისე, რომ „ჯიბე“ გამოვიდეს. ამოავსეთ ის ჩაშუშული სოკოთი და ხახვით. „ჯიბეს“ პირი კბილის ხის ჩხირით შეუკარით. გათქვიფეთ კვერცხი გასრესილ ნიორთან, მარილთან და პილპილთან ერთად. ამოავლეთ ქათმის ფილეები ამ ნაზავში. ამოგანგლეთ ფქვილში, ისევ ამოავლეთ ამ ნაზავში, მერე საფანელში და დააწყვეთ ზეთიან ტაფაზე. შეგიძლიათ, გამოაცხოთ აირღუმელში ან შეწვათ თავდახურულ ტაფაზევე.
ცალკე მოამზადეთ გარნირი: მსხვილად დაჭერით კარტოფილი, სოკო და კარგად შებრაწეთ. დარჩენილ გათქვეფილ კვერცხს დაუმატეთ ფქვილი და მოამზადეთ ბლინის ცომივით. ქათმის ფილე მეორე მხრიდანაც შეწვით. გადაატრიალეთ ფრთხილად. ამოიღეთ ტაფიდან და იმავე ცხიმში შეწვით „ბლინი“.
ლანგარზე ან დიდ თეფშზე დააწყვეთ მზა ფილე. მოუწყვეთ გვერდზე შებრაწული სოკო და კარტოფილი, მოაყარეთ დაჭრილი „ბლინი“ და მიირთვით პიკანტური კერძი.