20 იანვარი

1265 – გრაფმა ლესტერსკიმ პირველად მოიწვია ინგლისის პარლამენტი.

1778 – ინგლისელმა ზღვაოსანმა ჯეიმს კუკმა აღმოაჩინა ჰავაის კუნძულები. ერთი წლის შემდეგ იგი ხელახლა მიადგა ამ კუნძულებს, სადაც აბორიგენებმა მოკლეს.

1841 – ჩინეთმა ჰონკონგი დიდ ბრიტანეთს დაუთმო.

1982 – ოზი ოსბორნი მოათავსეს საავადმყოფოში მას შემდეგ, რაც მან თავი მოაჭამა სცენაზე ნასროლ ღამურას, ეგონა, რომ ხელოვნური იყო.

21 იანვარი

1922 – შვეიცარიის ქალაქ მიურენში ჩატარდა პირველი სამთო მოთხილამურეთა შეჯიბრი სლალომში.

1951 – ვულკან ლამინგტონის (ახალი გვინეა) ამოფრქვევის დროს დაიღუპა 2 942 ადამიანი.

1954 – ამერიკის შეერთებულ შტატებში წყალში ჩაუშვეს პირველი ატომური წყალქვეშა ნავი „ნაუტილუსი“.

22 იანვარი

1905 – მეფის ჯარებმა დახვრიტეს მშვიდობიანი დემონსტრაცია პეტერბურგში (სისხლიანი კვირა, ძველი სტილით 9 იანვარი).

1929 – დააპატიმრეს და თურქეთში გაასახლეს ლევ ტროცკი (ბერნშტეინი), რუსეთში ოქტომბრის რევოლუციის ერთ-ერთი ხელმძღვანელი.

1943 – შტატ სამხრეთ დაკოტის პატარა ქალაქ სპერფიშში დილის 7 საათსა და 30 წუთზე ჰაერის ტემპერატურამ ორ წუთში ცელსიუსის მინუს 20 გრადუსიდან პლუს 7 გრადუსამდე აიწია.

1970 – მოეწყო „ბოინგ 747-ის“ პირველი გაფრენა მგზავრებით. თვითფმრინავი აფრინდა ნიუ-იორკში და ექვსსაათნახევრის შემდეგ ლონდონში დაეშვა.

23 იანვარი

1556 – ჩინეთში მოხდა კაცობრიობის ისტორიაში ერთ-ერთი უდიდესი მიწისძვრა, რომელმაც 820 ათასი ადამიანის სიცოცხლე შეიწირა.

1911 – მარია სკლადოვსკაია-კიურის უარი ეთქვა საფრანგეთის მეცნიერებათა აკადემიის წევრობაზე, მხოლოდ იმიტომ, რომ ის ქალი იყო.

1960 – შვეიცარიელი მეცნიერი ჟაკ პიკარი ბათისკაფ „ტირესტის“ მეშვეობით პირველად ჩაეშვა მარიანის ღრმულში 11 კილომეტრ სიღრმეზე.

24 იანვარი

41 – რომში პლატინუმის თამაშებზე, თეატრში, სამხედრო ტრიბუნმა კასიუს ხერეამ შეთქმულებთან ერთად სიცოცხლეს გამოასალმა იმპერატორი კალიგულა.

1848 – ჯეიმს მარშალმა კალიფორნიაში მიაგნო თვითნაბად ოქროს, ამან გამოიწვია კალიფორნიის „ოქროს ციებ-ცხელება“.

1922 – ამერიკელმა კრისტიან ნელსონმა მიიღო პატენტი „ესკიმოზე“ – შოკოლადიან ნაყინზე.

25 იანვარი

1831 – დაიწყო პოლონეთის დიდი აჯანყება რუსეთის ბატონობის წინააღმდეგ. ამ აჯანყებამ ბიძგი მისცა 1832 წლის ქართულ შეთქმულებას.

1924 – ფრანგულ საკურორტო ქალაქ შამონიში გაიხსნა პირველი ზამთრის ოლიმპიური თამაშები.

26 იანვარი

1244 – ისტორიულ ქრონიკებში პირველად მოიხსენიება ქალაქი ბერლინი.

1788 – ავსტრალიაში დაარსდა პირველი ბრიტანული კოლონია – სიდნეი.

1875 – ამერიკელმა ჯორჯ გრინმა დააპატენტა პირველი სტომატოლოგიური „ბორმანქანა“. 

1886 – გერმანელმა კარლ ბენცმა მიიღო პატენტი სამბორბლიან ავტომობილზე შიდაწვის ძრავით.

1924 – კომუნისტებმა პეტროგრადს უწოდეს ლენინგრადი.