კატალოგი
პოლიტიკა
ინტერვიუები
ამბები
საზოგადოება
მოდი, ვილაპარაკოთ
მოდა + დიზაინი
რელიგია
მედიცინა
სპორტი
კადრს მიღმა
კულინარია
ავტორჩევები
ბელადები
ბიზნესსიახლეები
გვარები
თემიდას სასწორი
იუმორი
კალეიდოსკოპი
ჰოროსკოპი და შეუცნობელი
კრიმინალი
რომანი და დეტექტივი
სახალისო ამბები
შოუბიზნესი
დაიჯესტი
ქალი და მამაკაცი
ისტორია
სხვადასხვა
ანონსი
არქივი
აგვისტო 2020 (148)
ივლისი 2020 (204)
ივნისი 2020 (249)
მაისი 2020 (201)
აპრილი 2020 (194)
მარტი 2020 (197)

ცნობილ ადამიანთა ენამახვილური გამონათქვამები

ერთი ღარიბი აზნაურიშვილი მივიდა მეფე ერეკლესთან და მოწყალება სთხოვა: დავწვრილშვილდი და ღარიბი ვარ, მიბოძე რამეო.

– არა გაქვს-რა, საწყალო? უბრძანა მეფემ.

– არა მაბადია-რა, შენი ჭირიმე, გაფხეკილის მინდვრის მეტი.

– ოხ! მდიდარი ყოფილხარ, ბარემ ნაზარბეგიშვილთან შენც მიდი და იყიდისო, უთხრა მეფემ.

***

ერთ დღეს ქართლოს კასრაძე და ნიაზ დიასამიძე მოყინულ ბელინსკის ქუჩას ჩამოუყვნენ. ქართლოსს ფეხი მოუცურდა, ჯერ კიდევ ჰაერში იყო და დაბლა არ დაცემულიყო, რომ ნიაზი სწრაფად ჩაიკუზა და ასძახა:

– დაჯე, ვილაპარაკოთო...

***

ერთი ნაამხანაგარი შეხვდა აკაკის და სხვათა შორის უთხრა: ახლა ყველაფერი მომწყინდა და მარტო ფილოსოფიით ვიქცევ თავსაო.

– ბარაქალა! ბარაქალა, რომ ბიჯი წინ წაგიდგამს, – უთხრა აკაკიმ, – უნივერსიტეტში რომ იყავ, სოფია მიგაჩნდა თავშესაქცევად და ახლა კი ფილოსოფიაზე გადასულხარო.

***

უნივერსიტეტში განიხილავდნენ ნოდარ დუმბაძის ახალ რომანს – „მე ვხედავ მზეს“. ამ შუაგულ გურიაში რუსი საიდან მოიყვანეო, ჰკითხეს „სოსოიას რუსის“ შესახებ ნოდარს.

– დალოცვილებო, საქართველოში 200 ათასზე მეტი რუსია და ერთხელაც არავის უკითხავს, საიდან გაჩნდნენ აქ, და ჩემს რომანში ერთი რუსის გაჩენა გიკვირთო, – უპასუხა ღიმილით მწერალმა.

***

ერთს საზოგადოებაში ჩამოვარდა ლაპარაკი იმაზედ, ვითომც ამერიკაში ერთი გაზეთი მიტკალზედ იბეჭდება. ასე რომ, გაზეთი გაზეთადაც არის გამოსადეგი და ცხივრ-სახოცადაც. ამ საზოგადოებაში იყო თავადი რაფიელ ერისთავიც.

– არ შეიძლება, სტამბის მელანმა სტრიქონები არ დააჩნიოს კაცსა, ცხვირს რომ გაზეთით მოიწმენდსო, სთქვა ერთმა.

– შენი მტერი, რაც მე საქმე დამემართებოდაო, – თქვა თავადმა ერისთავმა, – იმ გაზეთებშიაც რომ „დამაკვირდი“ იყოს, მე ცხვირი მოვიხოცო და ამოდენა ცხვირზედ უცბად გადმოიბეჭდოს „დამაკვირდიო“...

скачать dle 11.3