შემწვარი ხორცი ბოსტნეულით
საჭირო ინგრედიენტები: 250 გრამი ხბოს რბილი ხორცი, 40 მილილიტრი ზეთი, 2-3 სადილის კოვზი ტომატ-პასტა, 1 მუჭა ფქვილი, 1 ცალი დაფნის ფოთოლი, 250 მილილიტრი წითელი ღვინო, 600 გრამი სხვადასხვა ბოსტნეული (ხახვი, კარტოფილი, ნიახური და სხვა), 0,5 სადილის კოვზი მდოგვი, 3 სადილის კოვზი შტოში ან წითელი მოცხარი, მარილი და პილპილი გემოვნებით. ცომისთვის: 1 კილოგრამი თეთრი მანანის ბურღული, 6 ცალი კვერცხი, 2 ცალი კვერცხის გული, 6 სადილის კოვზი ზეითუნის ზეთი, 4 სადილის კოვზი წყალი.
მომზადების წესი: ხორცი დაჭერით და ცხიმში შებრაწეთ, შემდეგ ტაფიდან გადამოიღეთ და იმავე ცხიმში მოშუშეთ დაჭრილი ბოსტნეული. ცალკე მოშუშეთ ტომატ-პასტა და შეურიეთ ფქვილი. დაუმატეთ ხორცი, დაასხით ღვინო და წამოადუღეთ. შემდეგ დაუმატეთ ცოტა წყალი და 1 საათი დაბალ ცეცხლზე, თავდახურული შუშეთ. დაუმატეთ მოშუშული ბოსტნეული და განაგრძეთ შუშვა. როცა ხორცი დარბილდება, დაუმატეთ მდოგვი, კენკრა და შეაზავეთ მარილით, პილპილით. ჩამოთვლილი ინგრედიენტებით მოზილეთ ცომი, გააბრტყელეთ და თხლად დაჭერით. ქვაბში აადუღეთ ბლომად წყალი, ჩაყარეთ 1 სადილის კოვზი მარილი და მოხარშეთ მომზადებული ცომის ნაჭრები, შემდეგ გადაწურეთ, ოღონდ მოხარშულ ცომს წყალი არ გადაავლოთ. მიიტანეთ სუფრაზე ხორცის რაგუსთან ერთად.