* ამერიკის არმიის ამ ორი სერჟანტის თავები მექსიკელმა კონტრაბანდისტებმა 30-30 ათას დოლარად შეაფასეს. როკი და ბარკო ტეხასის სამხრეთ საზღვარზე პატრულირებდნენ და მიუხედავად იმისა, რომ მათი წყალობით სახელმწიფოს ხაზინაში მილიონი დოლარი შედიოდა, ხელფასის სახით ანაზღაურება არ ჰქონდათ – ისინი ნაგაზები იყვნენ.

* პირველად სიტყვა სტუდენტი ოვიდიუსმა გამოიყენა. ასე უწოდა მან თავის თავს, როცა ათენში ჩავიდა და „სწავლისკენ ისწრაფოდა“.

 * სახელმწიფო ხელისუფლების წარმომადგენელთა გადაკოცნის წესი ხრუშჩოვმა დაამკვიდრა – მსოფლიო კომუნისტური მოძრაობის დროს, ძმობისა და გულითადი მეგობრობის გამოსახატავად. ის კარგად აითვისეს მსოფლიოს სხვა პოლიტიკოსებმაც. 

* მეოცე საუკუნეში ტექნიკის ისტორიის გერმანელმა სპეციალისტმა, ფელდგაუზმა გამოაქვეყნა წიგნი „ყველაზე დიდი ტექნიკური მოვლენები“. მასში შესულია უდიდესი მშენებლობები, გამოგონებები. სიაში პირველ ნომრად წერია სამყაროს შექმნა.

* პირველი „სიტროენი“ კონვეირიდან 1919 წელს გადმოვიდა.

* ინგლისში ახალი წლის დამდეგს, თავდაპირველად, ისმის ზარების „მოგუდული“, მწუხარე ხმა – როგორც ისინი ამბობენ, სევდა მომაკვდავ წელზე. მოგვიანებით, იგივე ზარები მხიარულად რეკენ  – ახალი წლის შესახვედრად

* გაერთიანებული ევროპის ჰიმნის ერთ-ერთ ვარიანტად წარდგენილია ოდნავ სახეშეცვლილი „მარსელიოზა“. ფრანგული ვარიანტიდან ამოღებულია სხვა ქვეყნებისადმი მიმართული აგრესიული სიტყვები.

* ინდონეზიის არქიპელაგში ჯერ კიდევ ჩამოყალიბების პროცესშია: ერთი კუნძული იძირება, მეორე – წარმოიქმნება.

* არქიმედეს საფლავზე ამოტვიფრული იყო ცილინდრი და სფერო. არსებობდა ლექსი მისი ძეგლის შესახებაც. სწორედ ამ მონაცემების გამოყენებით იპოვა ციცერონმა მისი საფლავი, რომლის არსებობაც ამ ქალაქის მცხოვრებლებმა არც კი იცოდნენ.

* პოლონეთში არსებობს მელოტთა პარტია, რომლის ლოზუნგია: „ღმერთმა ცოტა კარგი თავი შექმნა, დანარჩენი კი თმით დაფარა“.

* პეტრე პირველის დროს მხოლოდ სამ ადამიანს ჰქონდა წვერის ტარების უფლება: პეტრეს ერთ-ერთ ყველაზე ახლო მეგობარს – ტიხონ ნიკიტიჩ სტრეშნევს, მოხუც ბოიარ ჩერკასკის და პატრიარქს.

* ამ ხელოვნური ქსოვილის შექმნაზე ერთდროულად ორ ქალაქში – ნიუ-იორკსა და ლონდონში მუშაობდნენ. სხვათა შორის მას ამ ორი ქალაქის სახელებიდან ამოღებული ასოებითა და მარცვლებით შედგენილი სახელი ჰქვია – ნეილონი.