14 დეკემბერს ჩატარდა ART აქცია – „მშვიდობის წრე“, რომლის იდეის ავტორი და ორგანიზატორი გახლდათ გიორგი ჯაჯანიძე. საქართველოში მოწვეული მხატვრები მსოფლიოს 12 ქვეყნიდან ერთ წრეზე მთელი დღის განმავლობაში ქმნიდნენ ნამუშევრებს მშვიდობის თემაზე, საღამოს კი მოეწყო ნახატების გამოფენა. აღსანიშნავია ის ფაქტიც, რომ თორმეტმა ქართველმა დიზაინერმა, ჩამოსული სტუმრებისა და მათი ქვეყნების პატივსაცემად, შექმნა ულამაზესი თანამედროვე კაბები, თითოეული ქვეყნის ნაციონალური დეტალების გათვალისწინებით. აქციის ორგანიზატორებმა დააარსეს ფონდი „პროსპერი“, სადაც თავს მოიყრის პროექტის მონაწილე ყველა მხატვრის ნამუშევარი. გარდა ამისა, ფონდი ხელს შეუწყობს ახალგაზრდა ხელოვანებს თავიანთი ნიჭის გამოვლენასა და გზის გაკვალვაში.