„იმიჯ-ცენტრმა“ კონკურს „მის საქართველოში“ მონაწილეობის მსურველთა რეგისტრაციის ვადა შემოდგომამდე გაახანგრძლივა, შესაბამისად, 17-25 წლამდე გოგონებს მთელი ზაფხულის განმავლობაში ექნებათ რეგისტრაციის გავლის შესაძლებლობა. „მის საქართველო 2013“ იქნება მასშტაბური ღონისძიება, რომელიც ხორციელდება ტელეკომპანია „იმედისა“ და სხვა პარტნიორების მხარდაჭერით, ხოლო გამარჯვებულს „ტოიოტასგან“ გადაეცემა მთავარი პრიზი – ავტომობილი „ტოიოტა რავ 4“. გამარჯვებული ტოპ-ხუთეული კი სილამაზის საერთაშორისო კონკურსებზე გაემგზავრება.

„იმიჯ-ცენტრის“ მიერ გამართულ პრესკონფერენციაზე ცნობილი გახდა, რომ 28 სექტემბერს ინდონეზიის დედაქალაქ ჯაკარტაში, საერთაშორისო კონკურსზე – „მის მსოფლიო,“ საქართველოს წარადგენს „მის საქართველო 2012“ – თამარ შედანია, რომლის ჩაცმულობაზე იზრუნებს მოდის სახლი „მარიონელა“.