* 1987 წელს ჩინელმა მეცნიერებმა გაზომეს მზის დიამეტრი და, როდესაც 1715 წლის მონაცემს შეადარეს, განსხვავებამ 820 კილომეტრი შეადგინა.

* ამერიკის შეერთებული შტატების მინესოტას შტატში არის პატარა ქალაქი – მოსკოვი. როგორც ამბობენ, ეს სახელი ქალაქმა მეცხრამეტე საუკუნის პირველ ნახევარში მიიღო ხანძრის გამო, რომელმაც მის „ნათლიებს“ რუსეთის დედაქალაქი მოაგონათ. 

* ბევრს ახსოვს, რომ პირველი კოსმონავტი იური ალექსეევიჩ გაგარინი იყო, მეორე – გერმან სტეპანოვიჩ ტიტოვი, მაგრამ, ძალიან ცოტამ იცის, რომ მანეკენს, რომელსაც კოსმონავტის სავარძელში ათავსებდნენ საცდელი გაშვებების დროს, ივან ივანოვიჩი ერქვა.

* ერთმა ბრიტანელმა, რომელმაც იცოდა, რომ განწირული იყო, სიკვდილის წინ ანდერძად დაიბარა, მისი ფერფლი გამოეყენებინათ სამწუთიანი ქვიშის საათის მასალად – მას ძალიან უყვარდა თოხლო კვერცხი, რომლის მოხარშვას ადუღებიდან 3 წუთი სჭირდება.

* შეიქმნა მინიკომპიუტერით აღჭურვილი სათვალე, ჩარჩოში ჩადგმული ეკრანითა და მინი-დინამიკით – გულმავიწყებისთვის.

* გასული საუკუნის 90-იანი წლების ბოლოს წარმატებით იყიდებოდა სამხედრო ფლოტის სრულიად საიდუმლო იარაღი – გაწვრთნილი დელფინები. ამერიკელები მათ წარმატებით იყენებდნენ სპარსეთის ყურის ოპერაციების დროს.

* მსოფლიოში კარგად ცნობილია ტიპური ამერიკელის სიმბოლო – ძია სემი. ჯონ ბული კი ტიპური ინგლისელის სიმბოლოა.

* დადგინდა, რომ საბავშვო ბაღებში დარღვეულია იქ მომუშავეთა უსაფრთხოების წესები – აღმზრდელებს და სხვა პერსონალს არ ურიგდება ხმაურის ჩამხშობი საშუალებები (ყურსაცობი, ყურსასმენი), ბავშვების ყვირილი კი 89 დეციბალს, ანუ, პნევმატური ჩაქუჩის სიძლიერეს აღწევს.

* გაერომ, ამერიკელ უცოლო მამაკაცთა საზოგადოების თხოვნით, 1961 წლიდან, 22 მარტი კაცების დღედ გამოაცხადა.

* ყველაზე გრძელი ჰიმნი აქვთ ბერძნებს, მერე მოდიან არგენტინელები, შემდეგ – სალვადორელები. 

* „პელმენი“ უნგრულად „ცომის ყურებს“ ნიშნავს.