20 მაისი

1498 – ვასკო და გამას ექსპედიცია მიადგა ინდოეთის ნაპირებს (ქალაქ კალკუტის მიდამოებში).

1874 – ლევი სტრაუსმა გასაყიდად გამოუშვა თავისი ცნობილი ჯინსების პირველი პარტია – 12 ცალი ღირდა 13,5 დოლარი.

1899 – ჯეიკობ ჯერმანი (ნიუ-იორკი) გახდა პირველი მძღოლი, რომელიც დააჯარიმეს სიჩქარის გადაჭარბებისთვის. მისი მანქანა საათში 25 კილომეტრზე ოდნავ უფრო სწრაფად მოძრაობდა. 

1927 – ამერიკელმა მფრინავმა ჩარლზ ლინდბერგმა პირველმა გადაუფრინა ატლანტის ოკეანეს.

21 მაისი

1502 – ესპანელმა ზღვაოსანმა ჟუან და-ნოვამ აღმოაჩინა კუნძული, რომელსაც წმინდა ელენეს სახელი უწოდეს.

1809 – ასპერნის ბრძოლაში (ავსტრიელებთან, რომლებსაც კარლ ჰაბსბურგი სარდლობდა) ნაპოლეონ ბონაპარტმა განიცადა პირველი დამარცხება თავის კარიერაში.

1904 – დაარსდა მსოფლიო საფეხბურთო ორგანიზაცია „ფიფა“.

22 მაისი

1455 – ინგლისში დაიწყო თეთრი და ალისფერი ვარდების ომი.

1908 – ძმებმა ორვილ და უილბერ რაიტებმა მიიღეს პატენტი მათ მიერ 1903 წელს გამოგონებულ თვითმფრინავზე.

1926 – ბენიტო მუსოლინიმ აკრძალა იტალიაში სილამაზის კონკურსების ჩატარება.

1960 – ბენჯამინ დევისი გახდა პირველი ზანგი გენერალი ამერიკის შეერთებული შტატების არმიაში.

1990 – ჩრდილოეთ და სამხრეთ იემენი ერთ სახელმწიფოდ გაერთიანდა. 

23 მაისი

1877 – გამოცხადდა რუმინეთის დამოუკიდებლობა.

1911 – ვენაში ჩატარდა მსოფლიოს პირველი ჩემპიონატი ჭიდაობაში.

1963 – ფიდელ კასტრო გახდა საბჭოთა კავშირის გმირი.

1986 – ეკრანებზე გამოვიდა ფილმი „კობრა“ სილვესტერ სტალონეს მონაწილეობით.

24 მაისი

1819 – თბომავლის პირველი ცურვა ატლანტის ოკეანეზე – სავანიდან (ამერიკის შეერთებული შტატები) ლივერპულამდე (ინგლისი).

1844 – სამუელ მორზემ აამუშავა პირველი სატელეგრაფო ხაზი ნიუ-იორკიდან ვაშინგტონის მიმართულებით.

1900 – თავისი პირველი ცურვა განახორციელა კრეისერმა „ავრორამ“.

1956 – შვეიცარიაში ჩატარდა მომღერალთა პირველი კონკურსი – „ევროვიზია“.

1995 – ეკრანებზე გამოვიდა ფილმი „მამაცი გული“ მელ გიბსონის რეჟისურითა და მონაწილეობით.

25 მაისი

1895 – ინგლისელი მწერალი ოსკარ უაილდი ჰომოსექსუალიზმის ბრალდებით ჩასვეს ციხეში. 

1953 – ჰიუსტონში ამოქმედდა პირველი კომერციული ტელეარხი.

1977 – გამოვიდა ჰექსალოგია „ვარსკვლავეთის ომების“ პირველი ფილმი.

26 მაისი

1521 – ევროპაში დაიწყო პირველი ომი კათოლიკეებსა და პროტესტანტებს შორის.

1918 – გამოცხადდა საქართველოს რესპუბლიკის დამოუკიდებლობა.

1928 – „ფიფამ“ გადაწყვიტა, ოთხ წელიწადში ერთხელ ჩაეტარებინა მსოფლიო ჩემპიონატი ფეხბურთში.

1938 – ქალაქ ვოლფსბურგში დაიწყო „ფოლკსვაგენის“ პირველი ქარხნის მშენებლობა.

1977 – ჯორჯ უილინგმა ალპინისტური მოწყობილობით დალაშქრა მსოფლიოს სავაჭრო ცენტრის შენობა ნიუ-იორკში. 110-სართულიანი შენობის ფასადზე იგი სამსაათ-ნახევარში აძვრა, რის გამოც  „ადამიანი-ბუზი“ უწოდეს.