* ბელგიურმა ფირმა „ბეკერტმა“ დაიწყო შალისა და სინთეტიკურ ქსოვილში უჟანგავი ფოლადის ძაფების დამატება, რაც გამორიცხავს სტატიკური ძაბვის წარმოშობას ქსოვილში, ანუ, თავიდან აგვაცილებს ტანსაცმლის მიკრობას სხეულზე.

* ფეხბურთის ფანებს იუგოსლავიაში „ნოვიაჩს“ ეძახიან, პოლონეთში – „კაიბიებს“, ჩილეში – „აფისკოპადოსებს“, ბრაზილიაში – „ინჩოსებს“, იტალიაში – „ტიფოზებს“.

* ჯორჯ ჰარისონს ცოლი ერიკ კლეპტონმა წაართვა.

* გერმანული სტატისტიკით, 10 კომპიუტერიდან მხოლოდ ერთი გამოიყენება საქმისთვის. ჩვენთან, ალბათ, სულ სხვა მონაცემები იქნება.

* ციფრი „4“ იაპონური იეროგლიფია და ეს სიტყვა „სიკვდილის“ მნიშვნელობითაც იხმარება.

* მთვარის უმაღლესი წერტილი, რომლის სიმაღლე 7 830 მეტრია, პლატო დეკარტზეა. მისი დაპყრობა მხოლოდ 1972 წლის 27 აპრილს შეძლეს ამერიკელმა ჯონ იანგმა და ჩარლზ დიუკმა.

* ბერძნულად „რეზერვი“ – „შენახულს“ ნიშნავს.

* „ფორმულა 1-ის“ წესდებით, საპრიზო ადგილებზე გასულ პილოტებს 500-დოლარიანი ჯარიმა ელოდათ, თუ უარს იტყოდნენ დაჯილდოების ცერემონიაში მონაწილეობაზე.

* რუსული აბანოს ერთ-ერთი ძირითადი ატრიბუტი – ცოცხი – არყის ხის ტოტებისგან მზადდება. მისი სიგრძე, სურვილის მიხედვით, შეიძლება იყოს 60 ან 45 სანტიმეტრი.

* კაუაი, ოაუხუ, მოლოკაი, მაუი, ლანაი, კაჰოოლავე და ჰავაი – ეს კუნძულები შეადგენენ ამერიკის ერთ-ერთ შტატს, რომელსაც ერთ-ერთი კუნძულის სახელი – ჰავაი ჰქვია.

* ნიკოლაი გოგოლს, შემოქმედებითი ტალანტის გარდა, რითაც ჩვენ ვიცნობთ, ახლობლების მიმართ თანაგრძნობის გამოხატვის განსაკუთრებული უნარი ახასიათებდა. მან უარი თქვა მემკვიდრეობაზე და, რადგან სახლიც აღარ გააჩნდა, მეგობრებთან ცხოვრობდა. სწორედ ერთ-ერთ მათგანთან გარდაიცვალა კიდეც.

* დომინიკის რესპუბლიკის დიქტატორი ტრუხილო განდიდების მანიით იყო შეპყრობილი. საკუთარ თავს ის გრძელი ტიტულით წარადგენდა, იმოსებოდა მდიდრული მუნდირით, რომელიც უამრავი ორდენით იყო შემკული – ქრისტეფორე კოლუმბის, გენერალისიმუსის და, რაოდენ გასაკვირიც არ უნდა იყოს, თავისივე, ანუ ტრუხილოს ორდენით.