25 მარტი

1821 – საბერძნეთის აჯანყების დასაწყისი თურქეთის ბატონობის წინააღმდეგ.

1990 – დიდი ხანძარი ნიუ-იორკის დისკოთეკა Heppy Land-ში. დაიწვა 187 ადამიანი.

1995 – ციხიდან სანიმუშო ყოფაქცევისთვის ვადაზე ადრე გაათავისუფლეს მსოფლიოს ჩემპიონი კრივში მაიკ ტაისონი. ის გაუპატიურებისთვის იხდიდა სასჯელს. 

26 მარტი

1885 – ინგლისში პირველად მოხდა გარდაცვლილის კრემაცია.

1941 – დაარსდა საბჭოთა კავშირის სტალინური პრემია (შემდეგში – სახელმწიფო პრემია).

1953 – ამერიკელმა ექიმმა ჯონას ედვარდ სოლკმა მოახდინა პირველი წარმატებული ვაქცინაცია პოლიომიელიტის წინააღმდეგ.

1960 – დაარსდა საფეხბურთო ტურნირი „თასის მფლობელთა თასი“.

1985 – ეკრანებზე გამოვიდა მილოშ ფორმანის ფილმი „ამადეუსი“.

27 მარტი

1977 – ტენერიფეს (კანარის კუნძულები) აეროპორტში აფრენისას აფეთქდა „ბოინგ 747“. დაიღუპა 582 ადამიანი.

1978 – ეკრანებზე გამოვიდა გიორგი დანელიას ფილმი „მიმინო“.

1990 – ლონდონში ბეიკერ-სტრიტ 221-ში გაიხსნა შერლოკ ჰოლმსის მუზეუმი.

28 მარტი

1910 – მარსელში ცაში აიჭრა პირველი ჰიდროპლანი.

1930 – თურქეთის ქალაქ ანგორას სახელი გადაარქვეს და უწოდეს ანკარა.

1939 – გენერალ ფრანკოს ჯარებმა აიღეს მადრიდი. დამთავრდა ესპანეთის სამოქალაქო ომი. 

29 მარტი 

1886 – ატლანტაში (ამერიკის შეერთებული შტატები) ჯონ პემბერტონმა შექმნა ყველასთვის ცნობილი სასმელი „კოკა-კოლა“.

1967 – ექსპლუატაციაში შევიდა პირველი ფრანგული ატომური წყალქვეშა ნავი.

1973 – უკანასკნელმა ამერიკელმა ჯარისკაცმა დატოვა ვიეტნამი.

30 მარტი

1814 – მოკავშირეთა ჯარებმა აიღეს პარიზი. დაემხო ნაპოლეონის ხელისუფლება.

1842 – ამერიკელმა ექიმმა უილიამსონ ლონგმა პირველად გამოიყენა ეთერი, როგორც საანესთეზიო საშუალება.

1858 – ფილადელფიელმა ჰემფრი ლიპმენმა დააპატენტა ფანქარი, რომელსაც მეორე მხარეს საშლელი ჰქონდა დამაგრებული.  

1867 – ხელი მოეწერა ხელშეკრულებას, რომლის მიხედვითაც რუსეთმა 7,2 მილიონ დოლარად ამერიკის შეერთებულ შტატებს მიჰყიდა ალასკა.

1954 – ტორონტოში გაიხსნა კანადის პირველი მეტროპოლიტენი.

31 მარტი

1889 – პარიზში ოფიციალურად გაიხსნა ეიფელის კოშკი. 

1904 – გაზეთში პირველად გამოჩნდა ავტომობილის რეკლამა.

1923 – ნიუ-იორკში გაიმართა პირველი საცეკვაო მარათონი.

1967 – ჯიმი ჰენდრიქსმა პირველად დაწვა თავისი გიტარა კონცერტზე. ამის შემდეგ ეს მისი კონცერტების ტრადიციად იქცა.

1991 – ჩატარდა რეფერენდუმი, რომელშიც საქართველოს მოსახლეობის უმრავლესობამ ხმა მისცა საქართველოს დამოუკიდებლობას.